5 jasar balany durys súndettemegen pavlodarlyq hırýrg qatań sógis aldy

<p>Tamyzda sátsiz súndettelgen 5 jasar bala Pavlodardaǵy emhananyń ýrologııa bólimine túsken. Dáriger súndetteý kezinde balanyń jynys múshesi basynyń úshten birin kesip tastaǵan, sóıtip zár shyǵarýshy kanalǵa zaqym kelgen. Ata-ana qatelik jibergen hırýrgti jazalaýdy surady, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi.&nbsp;</p>

Balany 13 jyldyq tájirıbesi bar dáriger súndettegen.

“Balalar hırýrgııasy” mamandyǵy boıynsha birinshi biliktilik sanaty bar.

Osy oqıǵadan keıin qyzmettik tekserý júrgizildi. Ony ota jasaýdan shettetti.

Qazirgi ýaqytta dáriger ol aýrýhanada jumys istemeıdi, óz qalaýymen qyzmetinen ketken.

— Balany súndetteý kezinde jibergen qateligi úshin dáriger-hırýrg tártiptik jaýapqa tartylyp, 2 aı jedel hırýrgııa jasaýdan shettetilip qatań sógis aldy. Sodan keıin dárigerdiń óz qalaýymen eńbek kelisimsharty toqtady, - dep habarlady Pavlodar oblystyq densaýlyq saqtaý basqarmasynyń baspasóz qyzmeti.

Vedomstvo habarlaýynsha, Pavlodar emhanasy hırýrgııa bóliminiń meńgerýshisi Astanadaǵy Ana men bala ortalyǵy ýrologııalyq bólimshe meńgerýshisi jáne balany emdeıtin dárigermen únemi baılanysta bolǵan.

Qazir ýaqytta ol astanalyq Ana men bala ortalyǵynyń ýrologııa bólimshesinen em alyp, úıine shyqqan. 

— Balanyń jaǵdaıy birqalypty, jarasy jazyldy, kateterler alyndy, erkin zár shyǵarady, - dep pikir bildirdi densaýlyq saqtaý basqarmasy.