5 vagondy poıyz Qulsarydan Atyraýǵa jolaýshylardy tegin tasymaldaıdy

<p>ATYRAÝ. KAZINFORM &ndash; Búgin Jylyoı aýdanynyń ortalyǵy &ndash; Qulsary qalasynan Atyraýǵa 5 vagony bar jolaýshylar qatynaı bastaıdy.&nbsp;</p>

«Qazaqstan temir joly» UK AQ Jylyoı aýdanynyń turǵyndary úshin 5 vagony bar jolaýshylar poıyzyn iske qosty. 

«Jolaýshylar poıyzy 5 sáýir saǵat 10:30-da Qulsary temirjol stansasynan júredi. Al, Atyraý qalasynan Qulsaryǵa qaraı keshki saǵat 19:00-de jolǵa shyǵady. Jolaýshylardyń suranysymen joldaǵy Maqat jáne Shoqpartoǵaı stansalaryna da toqtaıdy. Bul úshin jolaýshylar jolserikke aldyn ala eskertýi kerek. Poıyz jolaýshylardy tegin tasymaldaıdy» dep habarlady Jylyoı aýdany ákimdiginiń baspasóz qyzmeti. 

Eske sala ketelik, budan buryn Jylyoı aýdanynda Jem ózeniniń sýy 2 metr 53 sm-ge kóterilgenin jazǵan edik.

Qulsary qalasyndaǵy kópir ýaqytsha jabyldy.

Sondaı-aq, Atyraý oblysynyń taǵy bir aýdanynda tótenshe jaǵdaı jarııalanǵan edi. 

Búgin Qulsarydan Dossorǵa deıingi joldyń bir bóligin sý basty.

Atyraý polıtseıleri Qaraǵaı aýylyndaǵy úılerdi táýlik boıy baqylaýǵa aldy.