5 shilde. Tulǵalar týǵan kún

<p>Búgin, 5 shilde kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.&nbsp;</p>

ESІMDER

53 jyl buryn (1971) Sh.Esenov atyndaǵy Kaspıı tehnologııalar jáne ınjınırıng ýnıversıtetiniń ǵylymı-zertteý jumystary jónindegi vıtse-prezıdenti Asqar Ábıuly SEIDÁLIEV dúnıege keldi. V.I.Lenın atyndaǵy qazaq polıtehnıkalyq ınstıtýtyn «Munaı jáne gaz uńǵymalaryn burǵylaý» mamandyǵy boıynsha, E.A. Bóketov atyndaǵy Qaraǵandy memlekettik ýnıversıtetin «Quqyqtaný» mamandyǵy boıynsha bitirgen.

Foto: yu.edu.kz

«Bolashaq» halyqaralyq baǵdarlamasy aıasynda Kolorado taý-ken mektebinde kásibı tájirıbeden ótti. Eńbek joly: 1993 jyly «Agrotehnıka» kooperatıviniń sheberi, 1994-1997 jyldary «Agrotehnıkada «Qýat» esepshisi, 1997-2004 jyldary Sh.Esenov atyndaǵy ýnıversıtette stajer-oqytýshy, oqytýshy, aǵa oqytýshy, rektordyń kómekshisi boldy.

2004-2005 jyldary Sh.Esenov atyndaǵy memlekettik ýnıversıtettiń Munaı jáne gaz ınstıtýty dırektorynyń orynbasary qyzmetin atqardy.

2005-2006 jyldary Sh.Esenov atyndaǵy ýnıversıtettiń tárbıe isi jónindegi prorektory boldy.

2006-2017 jyldary atalmysh ýnıversıtettegi munaı jáne gaz fakýltetiniń dekany, 2006-2017 jyldary metodıkalyq oqytý jónindegi prorektor, rektor keńesshisi qyzmetin atqardy.

2018 jyly Mańǵystaý oblysynyń bilim basqarmasynyń basshysy bolyp taǵaıyndaldy. 2021 jyldan beri qazirgi qyzmetinde.