5 sheteldik kásiporynnyń talapqa saı emes sút ónimderin el aýmaǵyna engizýge shekteý qoıyldy
QR DSM Sanıtarııalyq-epıdemıologııalyq baqylaý komıtetiniń Ulttyq saraptama ortalyǵy tutynýshylardyń quqyqtaryn qorǵaý jónindegi qoǵamdyq birlestikter satyp alǵan 13 túrli ımporttyq sút ónimderiniń 19 ataýynyń synamasyn sanıtarııalyq-epıdemıologııalyq saraptaý nátıjeleri boıynsha 5 kásiporyn («Ońtústik sút zaýyty» JShQ, «Saratov sút kombınaty» JShS, «A-7 Agro-Orynbor sút kombınaty» JShS, «Engelskıı sút kombınaty» JShS jáne RF «VBD» JShS) óndirgen sút ónimderiniń maı-qyshqyl quramy boıynsha sáıkessizdikterdi anyqtady.
Shekarada kúsheıtilgen zerthanalyq baqylaý júrgizý sheńberinde «Saratov sút kombınaty» JShQ (RF) óndirgen maılylyǵy 3,2% «Dobraıa býrenka» ýltrapasterlengen sútindegi maı-qyshqyl quramynyń sáıkessizdigi qaıta anyqtaldy. Osy kásiporynnyń ónimderin Qazaqstan aýmaǵyna ákelý ýaqytsha shekteldi.
Qazaqstan Respýblıkasy Aýyl sharýashylyǵy mınıstrliginiń Veterınarııalyq baqylaý jáne qadaǵalaý komıteti Reseı Federatsııasynan jetkizilgen sút ónimderindegi sáıkessizdikter anyqtalǵan jaǵdaılar týraly Veterınarııalyq jáne fıtosanıtarııalyq qadaǵalaý jónindegi federaldy qyzmetti (Rosselhoznadzor) habardar etti.
Sonymen qatar, sanıtarlyq-epıdemıologııalyq saraptama nátıjeleri boıynsha Qazaqstan Respýblıkasy saýda mınıstrliginiń Tehnıkalyq retteý jáne metrologııa komıteti sút ónimderine sáıkestik týraly 42 deklaratsııanyń qoldanysynyń kúshin joıdy. Joıý sebepteri – maı-qyshqyl quramy boıynsha Tehnıkalyq reglamenttiń talaptaryna sáıkes kelmeýi, sondaı-aq akkredıttelmegen synaq zerthanalarynda nemese EAEO biryńǵaı tizilimine engizilmegen zertteýler júrgizý bóliginde rásimderdi buza otyryp sáıkestik deklaratsııalaryn tirkeý.