5 paıyzdyq qosymsha zeınetaqy salymy 2023 jylǵa deıin shegeriledi
«Jalpy ishki ónim men halyqtyń tabysy artqanyna qaramastan, qazaqstandyq qoǵam ishinde jiktelý saqtalýda, tipti kúsheıip keledi. Bul erekshe mańyz berýdi talap etetin, alańdarlyq jaıt. Salyq júıesin ulttyq tabysty ádil bólý arqyly jańǵyrtý qajet», - dedi Qasym-Jomart Toqaev.
Memleket basshysy Úkimetke áleýmettik aýdarymdar kóleminiń artýyna nazar aýdarýy kerektigin tapsyrdy.
«Bir jaǵynan, bul jınaqtar áleýmettik qamtý jáne zeınetaqy júıesinde turaqtylyqty qamtamasyz etedi. Biraq, jumys berýshiler jumys oryndaryn ashýǵa jáne eńbekaqyny kóterýge yntasyn joǵaltyp alýy múmkin. Bıznes kóleńkege ketetin bolady. Sondyqtan, Úkimetke 5 paıyzdyq qosymsha zeınetaqy salymdaryn 2023 jylǵa deıin shegere turýdy tapsyramyn. Bul máselege keıin kelemiz. Osy ýaqyt ishinde Úkimet, bıznes ókilderi men sarapshylar nusqalardy qarap, bolashaq zeınetkerlerdiń de, jumys berýshilerdiń múddesi saqtalǵan, ortaq kelisilgen sheshimge kelýi kerek», dedi Memleket basshysy.