5 oblysta respýblıkalyq mańyzy bar 6 joldyń bóligin sý basty – Qazavtojol

<p>ASTANA. KAZINFORM - 5 sáýir saǵat 13:00-degi jaǵdaı boıynsha halyqaralyq jáne respýblıkalyq mańyzy bar avtomobıl joldarynda 5 oblystyń (Aqmola, Atyraý, SQO, Pavlodar, Qostanaı) 6 jol júrý ýchaskesinde jalpy uzyndyǵy 4040 metr bolatyn jol bóligin qarǵyn sý basty.</p>

«QazAvtoJol» UQ» AQ baspasóz qyzmetiniń habarlaýynsha, joldy sý basýyna kúniń kúrt jylynyp, sonyń saldarynan qardyń erýi sebep bolǵan.

Sondaı-aq 6 oblystaǵy (Aqtóbe, Atyraý, Qostanaı, Pavlodar, Mańǵystaý, SQO) respýblıkalyq mańyzy bar 9 avtomobıl jolynda (uzyndyǵy 534 km) kólik qozǵalysyna shekteý qoıyldy.

«Qazirgi tańda respýblıkalyq joldarda 764 birlik tehnıka men 1844 adam jumyldyrylǵan»,-delingen habarlamada.