5 naýryz kúni Qazaqstanda bolatyn mańyzdy sharalar ańdatpasy

NUR-SULTAN. QazAqparat - «QazAqparat» aqparat agenttigi 5 naýryz kúni elimizde bolatyn mańyzdy sharalar tizimin usynady.

9.30-da EKSPO aýmaǵynda «2050 jylǵa deıingi uzaq merzimdi tómen kómirtekti damý strategııasynyń saıası kózqarasy» semınary ótedi.

10.00-de «Ibıs» qonaq úıiniń «Berlın» zalynda «Reseı, Qazaqstan, Qyrǵyzstan jáne Tájikstandaǵy ekstremızmge qarsy saıasat. Salystyrmaly sholý» jarııalanymynyń tanystyrylymy ótedi.

15.00- de «Til-Qazyna» respýblıkalyq ǵylymı-praktıkalyq ortalyǵynda 3 nusqanyń ishinde ýmlaýtty nusqany qoldaýǵa sáıkes respýblıkalyq ashyq talqylaý ótkizedi.

15.00-de Ulttyq kadrlar ortalyǵynyń mamandaryn tarta otyryp, elordalyq jastarmen motıvatsııalyq jumys boıynsha «Jas memlekettik qyzmetshi mektebi» jobasy aıasynda sheberlik sabaǵy ótedi.

15.00-de QR Ulttyq mýzeıinde QR Mádenıet jáne sport mınıstrliginiń uıymdastyrýymen «Kelýshilerdi tartý jónindegi úılestirý-ádistemelik ortalyǵynyń» tanystyrylymy ótedi.

ALMATY

11.00-de Mimioriki zaýytyna baspasóz týry ótedi. Bul - Reseıde men TMD-da Disney lıtsenzııa ıegeri atanǵan alǵashqy qazaqstandyq brend.