5 myńǵa jýyq elordalyq jumyssyz júr

NUR-SULTAN. QazAqparat – Elordada 5 myńǵa jýyq azamat jumyssyz. Bul týraly Nur-Sultan qalasy ákimdigi halyqty jumyspen qamtý ortalyǵynyń dırektory Azamat Baıtasov aıtty, dep habarlaıdy QazAqparat tilshisi.

«Halyqty jumyspen qamtý ortalyǵynda 4873 jumyssyz azamat tirkelgen. Onyń 1249-y jastar. Olar negizinen jastar praktıkasynda, qoǵamdyq jumystarda qyzmet isteıdi. Statıstıka boıynsha, astanada NEET sanatyndaǵy 6 myńnan astam jastar tirkelgen. ıAǵnı, olar oqymaıdy ne jumys istemeıdi. Jalpy aıtqanda, eshqandaı ispen aınalyspaıdy. Sondyqtan biz jastar saıasaty jónindegi basqarmamen birlese otyryp olardy anyqtap, resmı túrde jumysqa ornalastyrýdy usynamyz. Sondaı-aq, biz kolledjder men joǵary oqý oryndary túlekterin dıplom alǵanyn kútpeı-aq qyzmetke ornalastyrý boıynsha jumys júrgizemiz», - dep atap ótti halyqty jumyspen qamtý ortalyǵynyń dırektory.

Ortalyq aqparatyna qaraǵanda, bas shahardaǵy jumyssyzdyq deńgeıi - 4,6 paıyzdy quraıdy. Bul respýblıkalyq kórsetkishten 0,3 paıyzǵa tómen.

Budan bólek, brıfıng barysynda Azamat Baıtasov jyl sońyna deıin astanada 28 myń jumys orny ashylatynyn málim etti.