5 myń turǵynǵa bir mobıldi brıgada jasaqtalady

NUR-SULTAN. QazAqparat – Medıtsınalyq-sanıtarııalyq alǵashqy kómekti qarjylandyrý úlesin arttyrý aıasynda 5 myń turǵynǵa 1 mobıldi brıgada jasaqtalady. Bul týraly QR Densaýlyq saqtaý mınıstri Ajar Ǵınııat vedomstvonyń keńeıtilgen alqa otyrysynda málim etti, dep habarlaıdy QazAqparat tilshisi.

Elimizde ambýlatorııalyq deńgeıdegi konsýltatsııalyq-dıagnostıkalyq qyzmetter kólemin 1,5 ese ulǵaıtý josparlanyp otyr. Bul aýrýlardy erte dıagnostıkalaýdyń qoljetimdiligin arttyryp, halyqtyń densaýlyq saqtaýǵa óz qaltasynan jumsaıtyn shyǵyndaryn tómendetýge múmkindik beredi. QR Densaýlyq saqtaý mınıstrliginiń keńeıtilgen alqa otyrysynda vedmostvo basshysy Ajar Ǵınııat osyndaı málimet berdi.

«Biz medıtsınalyq-sanıtarııalyq alǵashqy kómekti qarjylandyrý úlesin 2025 jylǵa deıin jalpy salany qarjylandyrýǵa jumsaıtyn qarajattyń 60%-yna deıin jetkizýge kúsh salamyz. Qazirdiń ózinde osy kórsetkishti 54%-ǵa deıin jetkize otyryp, osy maqsatqa qol jetkizýge barynsha jaqyndadyq. Bul bizge MSAK-tyń profılaktıkalyq baǵytyn ulǵaıtýǵa múmkindik berdi», - dedi Ajar Ǵınııat.

Onyń aıtýynsha, osynyń arqasynda 5 myń turǵynǵa 1 mobıldi brıgada jasaqtalady.

«Olardyń respýblıka boıynsha jalpy sany 3,6 myńnan asady. 2021 jyly mobıldi brıgadalar shamamen 3 mln qyzmet kórsetti. Bul 2020 jylmen salystyrǵanda 5 esege artyq. Sondaı-aq, sozylmaly ınfektsııalyq aýraǵa jatpaıtyn arterııalyq gıpertenzııaǵa, qant dıabetine jáne sozylmaly júrek jetkiliksizdigine baılanysty aýrýlardy basqarý baǵdarlamasymnyń deregi boıynsha, Qazaqstanda 5 695 MSAK uıymy bar.Qalalarda – 501, aýyldarda – 5 194.