5 mln teńgeni jymqyrǵan qazaqstandyq Birikken Arab Ámirlikterinen ekstradıtsııalandy
10:37, 04 Mamyr 2016
ASTANA. QazAqparat - Qazaqstan Respýblıkasy men Birikken Arab Ámirlikteri arasyndaǵy qylmyskerlerdi ustap berý týraly kelisim aıasynda Birikken Arab Ámirlikteriniń quzyrly organdary iri mólsherdegi alaıaqtyq úshin Almaty qalasynyń ІІD-i izdeý jarııalaǵan 28 jasar Nıkolaı Kapýstıanskııdi ustap berý týraly Bas prokýratýranyń suraýyn qanaǵattandyrdy, dep habarlandy QR Bas prokýratýrasynyń Feısbýktegi resmı paraqshasynda.
N.Kapýstıanskıı 2013 jyly alaıaqtyq jolmen kommertsııalyq mekemeniń 5 mıllıonǵa jýyq somadaǵy aqshalaı qarajatyn ıemdenip, jasyrynǵan.
Búgin Bas prokýratýra men ishki ister organdarynyń qyzmetkerleri Qazaqstan Respýblıkasynyń Birikken Arab Ámirlikterindegi Elshiliginiń qoldaýymen N.Kapýstıanskııdi qylmystyq jaýapkershilikke tartý úshin ekstradıtsııalady.
Qazirgi ýaqytta N.Kapýstıanskıı Astana qalasynyń tergeý ızolıatoryna qamaýǵa alyndy.