5 mln mal «qaǵazda» ǵana bolǵan – Prezıdent Joldaýy

<p>ASTANA. KAZINFORM &ndash; Memleket basshysy Qasym-Jomart Toqaev &laquo;Ádiletti Qazaqstan: zań men tártip, ekonomıkalyq ósim, qoǵamdyq optımızm&raquo; atty Joldaýynda agroónerkásip keshenin memleketten qoldaýdyń jańa baǵdary týraly tapsyrmalar berdi.</p>

«Agroónerkásip keshenin tikeleı sýbsıdııalaý tásilinen arzan nesıe berý tásiline birtindep kóshý – asa mańyzdy mindet. Bólingen qarajattyń bári tıimdi jumsalýǵa tıis. Alaıda shyndyqqa janaspaıtyn aqparat berý, basqasha aıtqanda, málimetterdi burmalaý aýyl sharýashylyǵyndaǵy shynaıy ahýaldy baǵalaýǵa kedergi keltirip otyr.

Arnaıy komıssııa 2 mıllıon iri qara jáne 3 mıllıonnan astam ýaq mal sanda bar, sanatta joq ekenin anyqtady. Egin sharýashylyǵy salasynda da osyndaı jaıttar bar ekeni belgili boldy. Shyn máninde, munyń bári – memleketten sýbsıdııa alý úshin jasalǵan kózboıaýshylyq. Ondaı qylmystyq áreketterge tosqaýyl qoıý qajet. Al mundaı ispen aınalysqan adamdardy jaýapkershilikke tartý kerek», - dedi Memleket basshysy.

Prezıdent Joldaýynda jer telimderin qaıtarý jónindegi arnaıy komıssııanyń jumysyna da toqtaldy.

«Bul másele qatysty ekiushty ustanym bolmaýy qajet. Zańsyz alynyp, paıdalanylmaı jatqan jer ońtaılandyrylǵan rásim boıynsha memleketke qaıtarylýǵa tıis. Al jerdi paıdalanýshy oǵan ınvestıtsııa salyp, adal eńbek etip jatsa, jumysqa bóget jasamaý kerek. Sondaı-aq onyń aýyldy kórkeıtip, turǵyndarǵa turaqty jumys berip otyrǵanyn da eskergen jón», - dedi Qasym-Jomart Toqaev.