5 myńnan astam almatylyq bankrottyqqa ótinish bergen

<p>Almatyda bankrottyq rásimine jeke tulǵalardan 5 730 ótinish tústi.&nbsp; Onyń 4 526-sy keri qaıtaryldy. Bul týraly óńirlik kommýnıkatsııalar qyzmetiniń brıfınginde Almaty qalasy boıynsha memlekettik kirister departamentiniń bereshekpen jumys basqarmasynyń basshysy Aıdos Budyǵulov málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Qazaqstan Respýblıkasy azamattarynyń tólem qabilettiligin qalpyna keltirý jáne bankrottyq týraly» zańdy iske asyrý sheńberinde 2023 jyldyń 3 naýryzynan 23 qazanǵa deıin 5 730 ótinish tústi. Onyń ishinde 5 603 ótinish (97,8%) qaraldy», - dedi ol.

Ótinim bergen 527 azamatqa qatysty sottan tys bankrottyq rásimi bastaldy. Bul – kelip túsken ótinishterdiń 9,2 paıyzy. 4 526 ótinish boıynsha azamattar sottan tys bankrottyqty bermeý týraly habarlama aldy.

«Bas tartýdyń negizgi sebebi – keıbir qaryz sharttaryna sáıkes kelmeýi. 550 azamat bankrot dep tanyldy, bul – túsken ótinishterdiń 9,6 paıyzy. 127 ótinishke qatysty (bul – barlyq kelip túsken ótinishtiń 2,2%-y) tekserý júrgiziledi jáne qaralyp jatyr», - dedi spıker.

Qazir sot bankrottyǵyna qatysty 32 ótinish boıynsha is qozǵaldy. Onyń ishinde 24 azamatqa bankrottyqqa azamattyq is qozǵaý týraly sot uıǵarymy shyǵaryldy. 8 azamatqa sot bankrottyǵy qoldanyldy.