5 mamyrda aýa raıy qandaı bolady

ASTANA. QazAqparat - Qazgıdromet sınoptıkteri 5 mamyr, jumaǵa arnalǵan aýa raıy boljamyn usyndy, dep habarlaıdy QazAqparat.

Aýqymdy antıtsıklon áserinen Qazaqstan aýmaǵynyń basym bóliginde jaýyn-shashynsyz aýa raıy saqtalady.

Alaıda Ońtústik tsıklon jáne oǵan baılanysty fronttardyń júrip ótýimen eldiń ońtústik-batysynda jańbyr jaýady, naızaǵaı jarqyldaıdy.

Keı ýaqytta qatty jańbyr jaýady, elimizdiń ońtústik-shyǵysy pen shyǵysynda jaýyn-shashyn (jańbyr, qar) jaýady.

Respýblıka boıynsha jel kúsheıedi, shańdy daýyl soǵady, ońtústik-batysta tuman túsedi.

Túnde Almaty, Jetisý oblysynda, Ulytaý oblysynyń shyǵysynda, Jambyl oblysynyń taýly aýdandarynda, Aqtóbe oblysynyń soltústiginde, Qostanaı oblysynyń ońtústik-shyǵysynda 1-6 gradýsqa deıin úsik saqtalady.

Túrkistan oblysynyń soltústiginde, batysynda jáne taýly jeldiń kúshi 15-20, ekpini 23-28 m/s jetedi, taýly aýdandarynda jel qarqyny 30 m/s asady.