5%-ben aýyl sharýashylyǵy tehnıkasyna ótinim qabyldaý bastaldy

<p>ASTANA. KAZINFORM &ndash;&nbsp; &laquo;QazAgroQarjy&raquo; AQ otandyq óndirýshilerdiń aýyl sharýashylyǵy tehnıkasyn 5%-ben satyp alýǵa <a target="_blank">&laquo;Jeńildikti lızıng&raquo; baǵdarlamasy boıynsha </a>ótinimder qabyldaýdyń bastalǵany týraly habarlady. Baǵdarlamany júzege asyrýǵa memleket 100 mlrd teńge bóldi.</p>

Aýyl sharýashylyǵy mınıstrligi baspasóz qyzmetiniń málimetinshe, «Jeńildikti lızıng» baǵdarlamasy otandyq óndiristiń jáne/nemese qurastyrýdyń aýyl sharýashylyǵy tehnıkasyn qarjylandyrýǵa baǵyttalǵan.

Baǵdarlamanyń sharttary: mólsherleme - jyldyq 5%, lızıng merzimi 7 jyldan aspaıdy, syıaqy mólsherlemesi - jyldyq 5 (bes)%, birinshi lızıngtik tólem - keminde 10 (on)%. Lızıng nysanasyn alǵannan keıin 2024 jylǵy 1 jeltoqsannan keshiktirmeıtin merzimde tóleý múmkindigi bar.

Jeńildetilgen baǵdarlama boıynsha ótinimderdi qabyldaý 17 maýsym kúni saǵat 14:00 bastalady.

«Klıent ótinim bergen kúnnen bastap 5 jumys kúni ishinde Telegram bot-qa «QazAgroQarjy» kompanııasynyń óńirdegi fılıalyna qujattardyń tolyq paketin usynýy qajet. Fılıaldardyń baılanys quraldary kompanııanyń www.kaf.kz saıtynda kórsetilgen», - delingen habarlamada.