5 aıda jalpy qylmystyq isterdiń 68 paıyzy elektrondy formatta qaraldy

NUR-SULTAN. QazAqparat – Osy jyldyń 5 aıynda jalpy qylmystyq isterdiń 68 paıyzy sottarda elektrondy formatta qaraldy. Bul týraly Qazaqstanda jumys isteıtin dıplomatııalyq korpýstyń jáne halyqaralyq uıymdardyń ókilderimen kezdesýde senator Vladımır Volkov aıtty, dep habarlaıdy QazAqparat tilshisi.

«Sońǵy jyldary qylmystyq sot ádildigin yryqtandyrý jáne quqyq qorǵaý qyzmetti tsıfrlanyrý boıynsha aıtarlyqtaı jumys júrgizildi. Aıtalyq, osy jyldyń 5 aıynda jalpy qylmystyq isterdiń 68 paıyzy sottarda elektrondy formatta qaraldy. Ákimshilik quqyq buzýshylyq boıynsha 90 paıyz elektrondy hattama rásimdeldi. Qyzmettiń mundaı formaty qylmystyq protsess kezeńderi ashyqtyǵyn qamtamasyz etýdi jáne tergeýdiń shynaıylyǵyn qamtamasyz etýge, qaǵazbastylyqty, burmalaýshylyq faktileri men qatelikterdi tómendetýge septigin tıgizedi. Eń mańyzdysy jemqorlyqtyń qysqarýy», - dedi senator.

Onyń atap ótýinshe, sońǵy jyldary júrgizilgen reformalar Qazaqstannyń sot tóreliginiń barynsha qoljetimdi ári jedel bolýyna septigin tıgizdi. Oǵan Sot tóreligi tıimdiligi jónindegi eýropalyq komıssııanyń da merzimdi esepterinde kórsetilgen.

«Eseptegi aıtarlyqtaı kórsetkishtiń biri – isterdi qaraýdyń ortasha merzimi. Máselen, Qazaqstanda azamattyq jáne ekonomıkalyq daýlar boıynsha kórsetkish 32 kúndi quraıdy. Bul ortasha eýropalyq mánnen 6 esege tómen. Sonymen qatar Eýropalyq komıssııa hatshylyǵy Qazaqstanda bir jyldan astam óndiriste jatqan istiń joq ekendigin atap ótedi. Bul olardy qaraý barysynda sarsańǵa salýdyń joq ekendigin bildiredi», - dedi Vladımır Volkov.