5 aqpan. Jylnama
ESTE QALAR OQIǴALAR
1945 jyly Almatyda alǵashqy qazaq konservatorııasy ashyldy.
2010 jyly Máskeýde Qazaqstan Respýblıkasynyń Reseı Federatsııasyndaǵy elshiliginiń rezıdentsııasynda dańqty qolbasshy jáne jazýshy Baýyrjan Momyshuly týraly «Ańyzǵa aınalǵan batyr» kitabynyń tusaýkeseri boldy. Jınaqta Baýyrjan Momyshulynyń Máskeý muraǵattarynda saqtalǵan, buryn jarııalanbaǵan jazbalary, suhbattary, sýretteri, sondaı-aq maıdanger-dostary Málik Ǵabdýllınniń, Dmıtrıı Snegınniń estelikteri bar.
2010 jyly Norvegııa Koroldiginiń taq murageri, hanzada Hokon Magnýs Astanada qazaq-norveg SYSLAB (jumysqa ornalastyrý jáne ınnovatsııa júıelik zerthanasy) jumysqa ornalastyrýǵa járdemdesý ortalyǵyn ashty. SYSLAB jobasy 1992 jyly Norvegııanyń «Hıb-Sıslab» kásiporynynda kishi jáne orta bıznestiń maqsattaryn biriktirý úshin qurylǵan. Jobanyń avtory jáne negizin qalaýshy – Bergen qalasynyń Joǵary tehnologııalar ortalyǵynyń dırektory ıAn Iohonssen. Elimizde atalǵan jobanyń Almaty, Astana jáne Shymkent qalalarynda ortalyqtary bar. Jobanyń negizgi maqsaty – uzaq ýaqyt boıy jumyssyz júrgen joǵary bilimdi mamannyń jumysqa ornalasýyna qol ushyn berý.
2014 jyly QR Prezıdentiniń Addıs-Abeba qalasynda (Efıopııa Federatıvti Demokratııalyq Respýblıkasy), Mehıko qalasynda (Meksıka Qurama Shtattary), Ál-Kýveıt qalasynda (Kýveıt memleketi) Qazaqstan Elshiligin ashý týraly Jarlyǵy shyqty.
2014 jyly jas shahmatshy Jansaıa Ábdimálik FIDE reıtinginde 89-orynǵa kóterilip, alǵash ret álemniń úzdik shahmatshylarynyń «júzdigine» kirdi. «Júzdikke» kirgen 14 jastaǵy Ábdimálik Dınara Sádýaqasovadan 15 saty alǵa shyǵyp, Qazaqstanda nómir birinshi shahmatshy atandy.
2014 jyly Qazaqstannyń iri ýnıversıteti ál-Farabı atyndaǵy QazUÝ-ǵa turaqty damý boıynsha «United Nation Academic Impact» (BUU Akademııalyq yqpal) jahandyq habyn basqarý senip tapsyryldy. BUU tańdaýy kezdeısoq emes: BUU-nyń álemdik moıyndalǵan on prıntsıpterin adam quqyǵy, saýattylyǵy, turaqty damý jáne qaqtyǵystardy sheshýge negizdelgen «Akademııalyq yqpal» baǵdarlamasyna QazUÝ Ortalyq Azııa ýnıversıtetteri ishinde birinshi bolyp qosyldy.
2015 jyly Túrkııada «Dünya» jetekshi ekonomıkalyq gazetiniń Qazaqstan Respýblıkasynyń jetistikterine arnalǵan «Qazaqstan» atty arnaıy sany jaryq kórdi. Munda Qazaqstannyń jetistikteri týraly aqparattyq-anyqtamalyq materıaldar men maqalalar, «Astana-EKSPO-2017» týraly aqparattar qamtylǵan.
2017 jyly Shymkentte «Ońtústik» ındýstrıaldy aımaǵynyń ǵımaratynan Túrkııa Respýblıkasynyń «Ostim» ındýstrıaldy aımaǵynyń ókildigi ashyldy. Sheteldik ındýstrıaldy aımaqtyń quryltaıshylar keńesiniń tóraǵasy Orhan Aıdyn bul jumystardyń qos memleket kásipkerleri úshin de tıimdi bolaryna senim bildirip, «Ońtústik» ındýstrıaldy aımaǵynyń da ókildigi, ıaǵnı bas keńsesi Túrkııanyń astanasynan ashylatynyn jetkizdi.
2020 jyly Qazaqstan Respýblıkasy Parlamenti Senatynyń janyndaǵy konsýltatıvtik-keńesshi organ bolyp tabylatyn Jastar keńesiniń birinshi otyrysy ótti. Keńes jastar saıasaty salasyndaǵy zańnamany jetildirý máselelerin qaraıtyn bolady. Jastar keńesi ashyq pikir almasý, jańa ıdeıalardy birlesip talqylaý jáne baılanys ornatý kúniniń alańyna aınalady.
2023 jyly «Baıqońyr» ǵarysh aılaǵynan «Proton-M» zymyran-tasyǵyshy ushyryldy. Zymyranǵa № 4 «Elektor-L» ǵarysh apparaty bekitildi. «Elektro-L» serııaly ǵarysh apparattary ǵalymdarǵa aýa raıyn boljaýǵa, avıatsııalyq ushýlar jaǵdaıyn taldaýǵa, teńizder men muhıttardyń jaǵdaıyn baqylaýǵa, sondaı-aq qaýipti aımaqtarda tótenshe jaǵdaılardy joıý sharalaryn josparlaýǵa kómektesedi.