5,5 mlrd teńgeni ysyrap etken sheneýnikke 345 myń ǵana aıyppul sala alamyz – Natalıa Godýnova

ASTANA. QazAqparat – Parlament palatalarynyń birlesken otyrysynan keıin BAQ ókilderiniń suraǵyna jaýap bergen Joǵary aýdıtorlyq palata tóraǵasy Natalıa Godýnova syrttan betaldy qaryz tartatyn sheneýnikterdi jazalaý sharasynyń pármensizdigin aıtty, dep habarlaıdy QazAqparat tilshisi.

«Byltyr Ákimshilik quqyq buzý týraly kodekske laýazymdy tulǵalardyń syrtqy qaryzdy tıimsiz ıgergeni jáne ıgermegeni úshin ákimshilik jaýapkershilik artatyn norma engizilgen. Onyń kólemi 100 aılyq eseptik kórsetkish dep belgilengen. Búginde 100 AEK degen 345 myń teńge. Biz talqylaǵan esepti kezeńdi qamtıtyn 2022 jyly syrtqy qaryz esebinen 9 joba iske asqan. Sol kezde 112 mln dollar keri qaıtaryldy. Sáıkesinshe sol qaryzdy rezervteý úshin memleket 12 mln dollar tóledi», - dedi palata tóraǵasy.

Aıtýynsha, osyndaı qatelikke jol bergen laýazymdy tulǵaǵa salynatyn aıyppul bıýdjetke kelgen shyǵynǵa saı emes.

«12 mln dollar degenimiz - 2022 jylǵy valıýta baǵamy boıynsha 5,5 mlrd teńge. Qazir biz memlekettik qaryzǵa aýdıt júrgizýdi josparlap otyrmyz. Kúzde onyń qorytyndysyn Parlamentke aıtamyz. 2022 jyldyń qorytyndysy boıynsha ǵana aıtqannyń ózinde memleket bıýdjetten joǵaltqan 5,5 mlrd teńge úshin bazbireýge 345 myń teńge ǵana aıyppul salamyz», - dedi Natalıa Godýnova.