«5-10-20» jobasy: Ár óńirdegi turǵyn úı sharshy metriniń baǵasy ataldy

NUR-SULTAN. QazAqparat – Turǵyn úı qurylys jınaq banki «Nurly jer» baǵdarlamasynyń jańa baǵyty retinde «5-10-20» pılottyq jobasyn iske qosady, dep habarlaıdy QazAqparat atalǵan banktiń baspasóz qyzmetine silteme jasap.

«5-10-20» pılottyq jobasyna turǵyn úıge muqtaj retinde jergilikti atqarýshy organdarda esepte turǵan azamattar qatysa alady.

Baspanany «Nurly jer» baǵdarlamasynyń aıasynda salynǵan jańa turǵyn úı keshenderinen de, jeke qurylys salýshylardan da satyp alýǵa bolady. Qazir jobanyń sharttary talqylanyp jatyr jáne kelesi parametrler usynylýda:

- Nur-Sultan, Almaty jáne osy qalalardyń mańyndaǵy aımaqtar úshin 18 mln aspaıdy;

- Atyraý, Aqtaý, Aqtóbe, Túrkistan jáne Qaraǵandy oblystary, sondaı-aq Shymkent qalasy úshin 15 mln teńgeden aspaıdy;

- basqa aımaqtar úshin 12 mln teńgeden aspaıdy.

Ákimdikter salǵan nesıe turǵyn úı boıynsha 1 sharshy metrdiń baǵasy:

240 myń teńgege deıin – Almaty qalasynda;

220 myń teńgege deıin – Nur-Sultanda jáne osy qala mańyndaǵy aımaqta;

200 myń teńgege deıin – Shymkent qalasynda jáne Almaty mańyndaǵy aımaqta;

180 myń teńgege deıin – Aqtóbe, Atyraý, Aqtaý, Túrkistan jáne Qaraǵandy oblystarynda;

160 myń teńgege deıin – basqa aımaqtarda.

«5-10-20» pılot jobasy halyqty turǵyn úımen qamtamasyz etýge arnalǵan qosymsha shara retinde ázirlenip jatyr.