49 áskerıdiń ushaq apatynan qaza bolýyna baılanysty Dnepropetrov oblysynda qaraly kún jarııalandy
«14 maýsymda áskerı qyzmetkerlerdiń Dnepropetrov oblysynda qaza bolýyna baılanysty maýsymnyń 15-si men 16-sy qaraly kún dep jarııalansyn», - delingen oblystyq ákimshilik basshysynyń ókiminde.
Qaraly kúnderi oblystyń barlyq ákimshilik, jergilikti ózin-ózi basqarý organdarynyń jáne memlekettik mekemelerdiń ǵımarattarynda Ýkraınanyń týy túsiriledi. Eske sala keteıik, Ýkraınanyń Dnepropetrov oblysy Lýgansk aýdanynda jumadan senbige qaraǵan túni Il-76 áskerı-kóliktik ushaǵy apatqa ushyraýyna baılanysty Ýkraına 49 áskerı qaza bolǵanyn jarııalady. Ýkraındyq qorǵanys mınıstrliginiń málimetteri boıynsha, ushaq jerge qonbaq bolǵan sátte oǵan zenıtti qondyrǵy men iri kalıbrli pýlemetten oq jaýdyrǵan. Qorǵanys mınıstrligi ushaq bortynda áskerı qyzmetkerler, tehnıka, kerek-jaraqtar men azyq-túlik bolǵanyn málim etti.