485 mlrd teńge bıýdjet qarajaty ıgerilmeı qalǵan
«Memlekettik bıýdjettiń shyǵysy 96,2 paıyzǵa, respýblıkalyq bıýdjettiń shyǵysy – 96,3 paıyzǵa, jergilikti bıýdjetterdiń shyǵysy 97,9 paıyzǵa atqaryldy. Respýblıkalyq bıýdjet boıynsha 12,9 trln teńge somasyna shyǵys júrgizildi», - dedi E. Jamaýbaev.
Onyń aıtýynsha, atqarylmaǵan bıýdjet qarajaty 494 mlrd teńgeni qurady, onyń ishinde
9 mlrd teńge únemdeý esebinen boldy. Al ıgerilmegeni – 485 mlrd teńge.
«Eń kóp ıgerilmeý somasy Oqý-aǵartý, Ǵylym jáne joǵary bilim, Іshki ister, Mádenıet jáne sport mınıstrlikterinde qalyptasty. Igerilmeýdiń negizgi sebepterine toqtalsaq, mınıstrlikterdiń qaıta qurylýy, oryndalǵan jumystar aktilerin, shot– faktýralardy ýaqtyly usynbaý, bıýdjettik baǵdarlamalardy iske asyrý boıynsha normatıvtik-quqyqtyq aktilerdiń ýaqtyly qabyldanbaýy jáne basqa da faktorlar áser etti», - dedi mınıstr.
Onyń sózine qaraǵanda, jergilikti bıýdjetterdiń shyǵysy 7,2 trln teńgeni qurady. Atqarylmaǵany – 155 mlrd teńge.
«Bıyl óńirlerge 3,4 trln teńge somasynda nysanaly transfertter kózdelgen. Olarǵa 1 qazandaǵy jaǵdaı boıynsha 2,1 trln teńge bólingen», - dedi vedomstvo basshysy.
Jalpy, 39 mlrd teńge ıgerilmegen. Eń kóp ıgerilmeý mynadaı óńirlerde qalyptasty: Mańǵystaý jáne Batys-Qazaqstan oblystary, Astana qalasy.
«Igerilmeýdiń negizgi sebepteri: jobalaý-smetalyq qujattamany túzetý, oryndalǵan jumystar aktilerin ýaqtyly usynbaý, konkýrstyq rásimderdi uzaq ótkizý, qazynashylyq organdaryna tóleýge beriletin shotty kesh usyný», - dep naqtylady vedomstvo basshysy.
Budan buryn habarlanǵandaı, Bıyl 9 aıda memlekettik bıýdjetke 11 trln 177 mlrd teńge somasynda kiris tústi.
Foto:placpigal.pl