48 jastaǵy ózbek gımnasshysy toǵyzynshy ret Olımpıada joldamasyna talasady

<p>TAShKENT. KAZINFORM &ndash; Ózbek gımnastshysy Oksana Chýsovıtına toǵyzynshy ret Olımpıada oıyndaryna qatysý úshin joldamaǵa talasady. Bul týraly <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar jazdy.</p>

Ózbekstan Ulttyq Olımpıada komıtetiniń (UOK) aqparaty boıynsha, Oksana Chýsovıtına sporttyq gımnastıkadan ulttyq qurama sapynda 15-18 aqpan aralyǵynda Kaırde ótetin álem kýbogynyń birinshi kezeńine attandy. 

«Osylaısha, O.Chýsovıtına óziniń sporttyq mansabynda toǵyzynshy Olımpıada oıyndaryna qatysýǵa múmkindik beretin joldama úshin kúresedi», - dep málim etti UOK.

Komıtet deregine saı, álem kýbogynyń barlyq tórt kezeńindegi jattyǵýlar boıynsha úzdik shyqqan 2 gımnast Parıj Olımpıadasynyń joldamasyn jeńip alady.

Aıta keteıik, bıyl maýsymda 49 jasqa tolatyn Oksana Chýsovıtına 8 ret Olımpıada oıyndaryna qatysyp, Gınnestiń rekordtar kitabyna engen. Ol 1992 jyly Barselonada ótken Olımpıadanyń komandalyq kópsaıysynda altyn, 2008 jyly Beıjińde kúmis medal enshilegen. Sondaı-aq atalǵan sportshy álem chempıonatynyń úsh dúrkin jeńimpazy bolǵan.

Tokıo Olımpıadasynan keıin Oksana Chýsovıtına sporttyq mansabyn aıaqtaıtynyn málimdegen edi. Alaıda, keıin sportqa qaıta oraldy. Eger ol Frantsııadaǵy tórtjyldyqtyń basty básekesine joldama utyp alsa, onda Chýsovıtına óziniń rekordyn jańartady.