48 jáne 52 jastaǵy eki tarazdyqtan geroın tabyldy

TARAZ. QazAqparat – Jambyl oblysynda qaltasyna geroın s júrgen azamattar ustaldy, dep habarlaıdy QazAqparat tilshisi.

Jambyl oblysy polıtsııa departamentiniń esirtki qylmysyna qarsy is-qımyl basqarmasynyń qyzmetkerleri jedel-izdestirý is-sharalaryn júrgizdi.

Nátıjesinde Taraz qalasynda 48 jáne 52 jastaǵy jergilikti turǵyndar ustaldy.

Olardan jalpy salmaǵy 2 gramnan asatyn «geroın» esirtki zaty tabylyp, tárkilendi.

«Ustalǵan azamattar Qazaqstan Respýblıkasy Qylmystyq kodeksiniń 296-baby 4-bóligi (asa iri mólsherde esirtki quraldaryn zańsyz saqtaý) jáne Qazaqstan Respýblıkasy Qylmystyq kodeksiniń 296-baby 3-bóligi (iri mólsherde esirtki quraldaryn zańsyz saqtaý) boıynsha sotqa deıingi tergep-tekserý amaldary bastaldy»,-delingen oblystyq polıtsııa departamenti baspasóz qyzmetiniń habarlamasynda.