48 saǵatta 350 km júgirgen áskerı qyzmetshi Qazaqstan rekordyn jańartty

ASTANA. QazAqparat - Qurlyq áskerleri áskerı ınstıtýtynyń «Álı» oqý-jattyǵý ortalyǵy qamtamasyz etý rotasy jaýyngerlik kóliginiń komandıri 3-synypty serjant Raýan Abylhanov ýltramarafondy sátti aıaqtady. Bul týraly QazAqparat Qorǵanys mınıstrligine silteme jasap habarlaıdy.

Respýblıka kúni qarsańynda ol «Álı» oqý-jattyǵý ortalyǵynan Almaty oblysynyń Shelek aýdany baǵytynda 48 saǵat ishinde 350 shaqyrymdy júgirip ótemin dep sóz bergen edi.

26 qazanda marafonshyny máre syzyǵynda ınstıtýt basshylyǵy, áriptesteri, týystary men dostary qarsy aldy.

«Tabandylyq pen jeńiske degen erik-jigerdiń arqasynda 3-synypty serjant Raýan Ábilhanov 47 saǵat 23 mınýtta mejeli qashyqtyqty júgirip ótip, rekord ornatty. Raýan óz maqsatyna jetýde bar-kúsh jigerin aıamaǵan naǵyz jaýynger», – dedi áskerı ınstıtýt bastyǵynyń birinshi orynbasary podpolkovnık Jánibek Sarǵazın

Raýan Ábilhanovtyń jeńil atletıkamen aınalysqanyna on jyldan asypty. Rekordsmen Almatyda jáne elimizdiń Qarýly kúshterinde ótken birneshe marafondardyń jeńimpazy.

«Bul meniń ǵana emes, barlyq áriptesterimniń, týystarymnyń, dostarymnyń jeńisi. Olardyń senimi men úmitin aqtaý úshin bar kúsh-jigerimdi saldym», – deıdi 3-synypty serjant Raýan Ábilhanov.

Marafonshynyń qurmetine ótken saltanatty jıynda Qazaqstan Rekordtar kitabynyń ókilderi oǵan tıisti sertıfıkat tabys etti. Al dostary Kia Rio avtokóligin syıǵa tartty.

Foto : gov.kz