48 kókshetaýlyq jańa páter ıegeri atandy

<p>ASTANA. KAZINFORM &mdash; Aqmola oblysynda halyqty turǵyn úımen qamtamasyz etý jónindegi baǵdarlamalardy iske asyrý jalǵasýda. Búgin Kókshetaýda Saryarqa shaǵyn aýdanyndaǵy jańa turǵyn úıde 48 páter kiltterin saltanatty túrde tapsyrý rásimi ótti.</p>

Páterlerdi áleýmettik osal sanattaǵy turǵyndar – kópbalaly otbasylar, múgedek adamdar, jetim balalar jáne basqalar aldy. Jańa turǵyn úıdiń janynda áleýmettik nysandar: mektepter, balabaqshalar jáne medıtsınalyq mekemeler ornalasqan.

Kiltterdi Aqmola oblysynyń ákimi Marat Ahmetjanov tabystady.

Foto: Aqmola oblysy ákimdigi

«Memleket azamattardy jaıly baspanamen qamtamasyz etý úshin qoldan kelgenniń bárin jasaıdy. Búgingi shara - qazaqstandyqtardyń ómir súrý sapasyn arttyrýǵa baǵyttalǵan Memleket basshysynyń saıasatyn naqty iske asyrýdyń kórinisi. Daıyn páterlerdi satyp alýdyń jańa tetigi turǵyn úı jaǵdaılaryn jaqsartý jáne kezekte turǵandar úshin kútý ýaqytyn qysqartý máselelerin jedel sheshýge múmkindik beredi», - dep atap ótti óńir basshysy.

Kóptegen otbasylar úshin bul kópten kútken oqıǵa boldy. Olardyń ishinde shamamen 20 jyl kezekte turǵan Mahabbat Dargenovanyń otbasyna baspany bolý baqyty buıyrdy.

Foto: Aqmola oblysy ákimdigi

«Biz óte qýanyshtymyz. Otbasymyz úshin bul ómirdegi jańa, qýanyshty kezeń. Bizdi nazardan tys qaldyrmaǵany úshin el Prezıdentine úlken alǵysymdy bildiremin», – dep bólisti oblys ortalyǵynyń turǵyny.

Aqmola oblysy TJD qyzmetkerleriniń 5 otbasy da jańa páter ıegerleri atandy.

Foto: Aqmola oblysy ákimdigi

Sondaı-aq, oblys ákimi eki kóppáterli úıdiń qurylys alańdarynda boldy. Óńir basshysy páterlerdi aralap, jumys merzimi men sapasyn saqtaýdyń mańyzdylyǵyn atap ótti. Jańa úıler Bolashaq qonystanýshylar úshin senimdi jáne jaıly turǵyn úıge aınalýy kerek.

Bul aqmolalyqtardyń ómir súrýine qolaıly jaǵdaı jasaýǵa baǵyttalǵan óńirdiń áleýmettik ınfraqurylymyn damytýdaǵy mańyzdy qadam.