450 bala ýlandy: Ózbekstanda 3 dáriger qamaýǵa alyndy

<p>Ózbekstanda &laquo;Antıstrýmın&raquo; ıod preparatyn qabyldap, jappaı ýlanǵan balalarǵa qatysty qylmystyq is boıynsha úsh dáriger ustaldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;menshikti tilshisi.</p>

Ózbekstan Joǵarǵy sotynyń baspasóz qyzmetinen málim etkendeı, Tashkenttiń ıAshnabad aýdandyq qylmystyq sotynyń sheshimine saı úsh kúdikti qamaýǵa alyndy. Olardyń qatarynda Mamandandyrylǵan respýblıkalyq ǵylymı-praktıkalyq medıtsınalyq endokrınologııa ortalyǵy dırektorynyń orynbasary jáne Densaýlyq saqtaý mınıstrliginiń eki qyzmetkeri bar.

Aıta keteıik, bıyl 20 qyrkúıekten bastap barlyq mektepter men balabaqshalardaǵy búldirshinder arasynda ıod tapshylyǵyn boldyrmaýǵa baǵyttalǵan jańa baǵdarlama qolǵa alyndy. ıAǵnı, apta saıyn balalarǵa profılaktıkalyq dozada jergilikti jerde óndirilgen «Antıstrým» ıod tabletkalary berile bastady.

Keıin Densaýlyq saqtaý mınıstrligi Namangan oblysynda ýlaný belgileri bar 450 bala aýrýhanaǵa jatqyzylǵanyn málim etti. Olarda joǵary dene qyzýy, bas aýyrýy, keıbirinde júrek aıný men qusý sımptomdary baıqalǵan. Qarasha aıynda jaýapty vedomstvo ýlanýdyń sebebi «Antıstrýmın» jergilikti preparatynyń artyq dozalanýynan bolǵanyn moıyndady.

Buǵan deıin Ózbekstannyń bas prokýratýrasy qylmystyq is júrgizý zańnamasy negizinde «Antıstrýmın» preparatyna qatysty qylmystyq is boıynsha aldyn ala tergeý júrgizip jatqany habarlanǵan bolatyn.