45 jastan asqandar feık jańalyqtardy jıi bólisedi - zertteý

ASTANA. QazAqparat - Ǵalymdar júrgizgen sońǵy zertteý nátıjesinde feık jańalyqtarmen bólisýge qumar adamdardyń jasy 45-65 jas aralyǵynda ekeni belgili boldy. Osy aptada Science Advances jýrnalynda jarııalanǵan maqalada Nıý-Iork ýnıversıtetiniń zertteýshileri Facebook áleýmettik jelisindegi feık jańalyqtardyń taralymyn zerttegeni jazylǵan. Ǵalymdar 45-65 jastaǵy adamdardyń feık jańalyqtardy jastarǵa qaraǵanda jeti ese jıi bólisetinin anyqtapty.

«Zertteý barysynda mamandar osy jastaǵylardyń ne sebepti jalǵan aqparatqa sengish keletinin aıtpady. Ǵalymdar buǵan medııalyq saýattylyq áser etýi múmkin ekeni, biraq ol taǵy da zertteý júrgizýdi qajet etetinin aıtyp otyr. Sonymen qatar, 45-65 jas aralyǵyndaǵy adamdarda tsıfrlyq medıa salasyndaǵy bilim az bolatyndyqtan, olar kontenttiń jalǵan nemese ras ekenin ajyrata almaýy múmkin degen boljam jasaldy», dep jazady basylym.

Sondaı-aq, zertteý jasy ulǵaıǵan adamdardyń ınternetke qyzyǵýshylyǵy artqan saıyn feık jańalyqtardyń taralý problemasy arta túsetinin alǵa tartady.