45 myńnan astam Qazaqstan azamattary elektrondy sandyq qoltańbany ózderiniń jeke kýálikterine jazyp aldy

ASTANA. 29 qarasha. QazAqparat - 1,2 mıllıonnan astam Qazaqstan azamattary elektrondy sandyq qoltańba aldy. Osy arqyly olar elimizdegi «elektrondy úkimettiń» barlyq qyzmetterin paıdalaný múmkindigine qol jetkizdi. Bul jaıynda búgin Astanada ótken brıfıngte «Ulttyq aqparattyq tehnologııalar» AQ-nyń basqarma tóraǵasy Rýslan Esenbaev aıtty.

Aıta keteıik, bıylǵy 1 shildeden bastap elektrondy sandyq qoltańbany jeke kýálikke bekitý jumystary bastaldy. Bul óz kezeginde qolaıly ári qaýipsiz dep sanaıdy mamandar. «Eger de azamattar jeke kýáligin joǵaltqan jaǵdaıda, pın-kodsyz kýáliktegi elektrondyq qoltańbany paıdalaný múmkin bolmaıdy»,-dedi basqarma tóraǵasy.

Atap aıtqanda, jeke kýálikte ornalastyrylǵan chıpte jazylǵan elektrondyq qoltańbany kompıýterlik tehnıka dúkenderinde satatyn kartrıder arqyly paıdalanýǵa bolady. Búginde 45 myńnan astam Qazaqstan azamattary atalǵan qoltańbany ózderiniń jeke kýálikterine jazyp alǵan eken.