45 kúnge 50 AEK-ke deıingi shaǵyn nesıege tyıym salynbaq

<p>Mıkroqarjy uıymdarynyń tutyný nesıesi portfelindegi onlaın-kredıtterdiń úlesi 197 mlrd teńgeni qurady. Bul týraly Májiliste &laquo;Halyqtyń shamadan tys kredıt alýyn azaıtý jáne qarjy saýattylyǵyn arttyrý&raquo; taqyrybyndaǵy Parlament tyńdaýynda Qarjy naryǵyn retteý jáne damytý agenttiginiń tóraǵasy Mádına Ábilqasymova aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Qazir agenttik 45 kúndik merzimge jáne 50 AEK-ke deıingi somaǵa shaǵyn nesıeniń erekshe túrin tolyǵymen alyp tastaý máselesine bastamashy boldy. Bul rette, onlaın-nesıe beretin kompanııalar jumysyn jalǵastyra beredi, ıaǵnı barlyq mıkrokredıttik uıymdar úshin belgilengen biryńǵaı mólsherleme boıynsha kez kelgen kezeńge shaǵyn nesıe bere alady», – dedi M. Ábilqasymova.

Onyń sózine qaraǵanda, nesıeniń problemalyq portfelinde eń kóp kredıt berý onlaın-nesıe segmentinde baıqalǵan.

«1 qyrkúıektegi jaǵdaı boıynsha mıkroqarjy uıymdarynyń tutyný nesıesi portfelindegi onlaın-kredıtterdiń úlesi 197 mlrd teńgeni qurady. Alaıda qaryz alýshylar sany 1 mln 91 myń adamǵa jetti. Atap aıtqanda, 37 mlrd teńge somasyndaǵy problemalyq shaǵyn nesıe 297 adamda tıesili», - dedi agenttik basshysy.

Mundaı onlaın-nesıeler qashyqtan rásimdelip, berilip jatady.