45 gradýs: Túrkistan oblysynda aptap ystyqtan asfalttaǵy beton plıtalar kóterilip ketti

<p>TÚRKІSTAN. KAZINFORM &ndash; Kún raıynyń 45 gradýsqa kóterilýinen respýblıkalyq mańyzy bar M-32 &laquo;RF (Samara) - Shymkent&raquo; avtojolynyń 2155 shaqyrymynda tsement-beton plıtalar kóterilip ketti.</p>

Oqıǵa Túrkistan baǵytynda boldy. «QazAvtoJol» UK» AQ Túrkistan oblystyq fılıaly dırektorynyń orynbasary Qanat Joltaevtyń aıtýynsha, joldyń buzylǵan bóligindegi aqaýlardy joıý jáne kólik qozǵalysyn qalpyna keltirý jumystaryna 4 tehnıka men 10 adam jumyldyryldy.  

Foto: QazAvtoJol

«2155 shaqyrymda kóterilgen beton plıtalar boıynsha «KAZHservice» JShS arqyly qalpyna keltirý jumystary júrgizildi. Kerekti jol belgileriniń barlyǵy ornatyldy. Keshe asfalt salyndy. Jalpy, jolda kólik qozǵalysy toqtaǵan joq. Bir táýlik ishinde jumystar tolyǵymen aıaqtaldy. Kólikter toqtaýsyz júrip jatyr. Qatelespesem, óńirde kún raıy 45 gradýstan joǵary boldy», - dedi Qanat Joltaev.

Foto: QazAvtoJol

Aıta keteıik, buǵan deıin Túrkistan oblysynda aýa temperatýrasy 45-46 gradýsqa deıin kóteriletinin jazǵan bolatynbyz. Al oblystyq Tótenshe jaǵdaı departamenti kúnniń qatty ysýyna baılanysty órt qaýiptiliginiń 5-shi sanaty engiziletindigin habarlady.