45 adam sýǵa batyp ketti — Qutqarýshylar maýsymǵa daıyn ba

<p>ASTANA. KAZINFORM — Tótenshe jaǵdaılar mınıstri Shyńǵys Árinov shomylý maýsymyndaǵy qaýipsizdik sharalary týraly týraly aıtyp berdi.</p>

«Jyl saıyn júzdegen adam sýǵa ketip qaza tabady. Qaıǵyly jaǵdaıdyń basym bóligi jaz mezgilinde bolady. Jyl basynan bastap 45 adam, al 1 maýsymnan beri 27 adam sýǵa batyp ketti», — dedi TJ mınıstri Úkimet otyrysynda. 

Sondaı-aq, mınıstrliktiń halyqty qorǵaý sharalary nátıje kórsetip, 2020 jyldan beri sýdaǵy adam óliminiń sany 437-den 227-ge deıin azaıdy.

«Qazir sý aıdyndarynda mınıstrliktiń 42 qutqarý beketi halyqtyń qaýipsizdigin qamtamasyz etedi. Kelesi jyly Shalqar, Imantaý kólderiniń boıynda jáne Qosshy qalasynda 3 modýldik stantsııanyń qurylysy aıaqtalady. Biraq iri sý qoımalaryna 15 stantsııa jetkiliksiz», — deıdi Sh. Árinov. 

Oǵan qosymsha jazǵy kezeńde qaıyqtarmen jáne qutqarý quraldarymen jabdyqtalǵan mobıldi posttar qoıylady.

Olar sý aıdyndaryna kezekshilik pen patrýldeý júrgiziledi.

Atap aıtqanda, mınıstrliktiń qutqarýshylary jyl basynan beri — 76 adamdy, shomylý maýsymy bastalǵaly — 24 adamdy qutqaryp qalǵan. 

«Qutqarý bólimshelerin jabdyqtaýǵa qatysty problemalar bar, qolda bar qaıyqtardyń kóbi jaramsyz kúıde. Qazir zamanaýı katerler, júzý quraldaryn jáne drondardy josparly túrde satyp alýdamyz. Mańǵystaý oblysynda Kaspıı teńiziniń jaǵalaýynda Ulttyq teńiz jasaǵyn qurý jumysy júrip jatyr», — dedi spıker.