Sınoptıkterdiń boljamy boıynsha, bıylǵy maýsym aıynda aýa raıy qubylmaly bolady, temperatýra kúrt ózgeredi.
Atmosferalyq aınalymnyń jazǵy erekshelikteri salqyn jáne ystyq kezeńderdiń aýysýymen, jańbyrmen jáne jekelegen kúnderi naızaǵaı oınaý, burshaq túsý, qatty jel turý syndy qubylmaly aýa raıymen sıpattalady. Keıbir kúnderi shańdy daýyl bolady.
Maýsymnyń birinshi onkúndiginde temperatýranyń joǵary bolýyna qaramastan Qazaqstannyń barlyq óńirinde jıi ári qysqa merzimde naızaǵaı oınap, jańbyr jaýady dep boljanady. Tek keıbir kúnderi tropıkalyq aýa massalaryn salqyn atlantıkalyq aýa almastyryp, temperatýra tómendeıdi. Mysaly, birinshi onkúndikte respýblıkamyzdyń batysynda aýa temperatýrasy túnde 17 22°S-den 7 12°S-ge deıin, kúndiz 27 32°S-den 20 25 gradýsqa deıin tómendeıdi.
Atyraý jáne Mańǵystaý, Aqtóbe jáne Qostanaı oblystarynda jáne Ulytaý oblysynda túnde synap baǵany 18 28°S-den 12 23°S-ge deıin, kúndiz 30 38°S-den 20 30°S-ge deıin túsedi, biraq onkúndiktiń sońynda kúndiz temperatýranyń 25°S-den 32°S-ge deıin kóteriledi.
Soltústik jáne ortalyq aımaqtardyń turǵyndary úshin aptap ystyqtyń tómendeýi jaz aıynyń birinshi onkúndiginiń ortasynda bolady. Temperatýra túnde 10 15°S aralyǵynda bolady, qıyr soltústikte 7°S-den 15 20°S-ǵa deıin, kúndiz 25 30°S-den 18 25°S-ǵa deıin ózgeredi.
Respýblıkamyzdyń shyǵysynda alǵashqy onkúndiktiń basym bóliginde temperatýralyq fon túnde 10 15°S aralyǵyn qamtyp, ońtústikte 20°S-ǵa deıin tómendeıdi, kúndiz 22 30°S bolady. Ońtústikte, kerisinshe kún ysıdy: 35°S deıin, birinshi onkúndiktiń sońynda, maýsymnyń ekinshi onkúndiginiń basynda bul óńirde kún salqyn bolady.
Biraq ońtústikte jáne Jambyl oblysynda, tipti túngi ýaqytta da ystyq kezeń bolady, synap baǵany kórsetkishteri 20 28°S, kúndiz 35 43°S deıin jetedi. Alaıda birinshi onkúndiktiń sońyna qaraı aýa temperatýrasy azdap tómendeıdi: kúndiz 28 33°S deıin.
Almaty oblysynda jáne Jetisý oblysynda aýa temperatýrasy túnde 10 15°S-den 15 20°S-ge deıin, kúndiz 20 25°S-den 30 35°S-ge deıin, taýly aýdandarda túnde 2 7°S-den 7 12°S-ge deıin, kúndiz 10 15°S-den 20 25°S-ge deıin birtindep joǵarylaıdy. Onkúndiktiń ekinshi jartysynda kúndiz kún ysıdy dep boljanady: 25 30°S deıin.
Maýsymnyń ekinshi jáne úshinshi onkúndiginde elimizdiń batysynda, ońtústiginde, ońtústik-shyǵysynda eń ystyq kúnder týyndaıdy: 33 40°S-ge deıin. Ońtústik-batysta, ońtústikte 43°S-ge deıin kún ysyp, tótenshe órt qaýpi artady, al kún salqyn kúnderi synap baǵany 22 27°S-ge deıin tómendeıdi.
Elimizdiń soltústik jartysynda, óńirdiń ortalyǵy men shyǵysynda aýa temperatýrasy túnde 15 23°S-den 2 10°S-ge deıin, kúndiz 25 38°S-den 15 27°S-ge deıin aýytqıdy dep boljanady.
Aıta keteıik, «Qazgıdromet» RMK Qazaqstan boıynsha 2025 jylǵy 31 mamyr men 2 maýsymǵa arnalǵan aýa raıy boljamyn jarııalady.