42500 teńge erteńgi kúnge degen senimdi nyǵaıtty - Qadyr Qasymjanov

KÓKShETAÝ. QazAqparat - Kókshetaý qalasynyń turǵyny 61 jastaǵy Qadyr Qasymjanov 42500 teńge járdemaqyǵa qol jetkizdi. Tótenshe jaǵdaı kezinde jumyssyz qalǵan ol qujattar qalaı rásimdegenin jáne alǵan aqshasyn qaıda jumsaǵany týraly QazAqparat tilshisine aıtyp berdi.

Tótenshe jaǵdaı kezinde kóptegen shaǵyn jáne orta bıznes nysandary ýaqytsha jabyldy. Solardyń arasynda Qadyr Qasymjanov jumys isteıtin jeke kásipkerliktiń de jumysy toqtap, jumysshylary tabyssyz qaldy. Ol da ózgeler sııaqty tótenshe jaǵdaı rejıminiń qıyndyǵyn sezine bastady.

«Mamandyǵym qurylysshy. Qurylys salasynda biraz jyl eńbek ótilim bar. Zeınetke shyǵýǵa eki jyl qaldy. Jasym kelgendikten jumys tabý qıyn. Aqshasyz otyrý tipti qıyn. Karantın kezinde, árıne eshkimge ońaı emes. Ásirese, nesıe, ıpotekasy bar adamdarǵa qıyn. Bizde osydan bes aı buryn qalaǵa kóship keldik. Bala – shaǵa, otbasyń bar degendeı tabysyń bolmasa qalada kún kórý qıyn. Tótenshe jaǵdaı kezinde ýaqytsha jumyssyz qalǵan azamattarǵa 42500 teńge járdemaqy beriletinin estı salysymen bankke baryp esepshot ashyp, keıin járdemaqy rásimdedim. Kóp keshiktirmeı birer kúnde 1414 nómirine ótinishimniń maquldanǵandyǵy jóninde sms habarlama keldi. Bank kartochkasy daıyn bolǵan soń aqshamdy sheshim aldym», - deıdi Qadyr Qasymjanov.

Qadyr Nuǵymanuly atap ótkendeı, ol 42500 teńge aqshany kommýnaldyq qyzmetterdiń aqysyn tóleýge jáne azyq-túlik satyp alýǵa jumsaǵan.

«Bul kóp aqsha bolmasa da, qıyn kezde halyqqa demeý bolyp, erteńgi kúnge degen senimin nyǵaıtyp otyr. Memlekettiń halyqqa jasap otyrǵan qamqorlyǵy qýantady, aldaǵy ýaqytta da osyndaı qoldaý kómek jıi bolyp tursa degen tilegimiz bar», - dep tolyqtyrdy Qadyr Qasymjanov.