«42 500 teńgeniń» proaktıvti túrde taǵaıyndalǵandyǵyn qalaı tekserýge bolady

NUR-SULTAN. Memlekettik áleýmettik saqtandyrý qorynan eń tómengi jalaqy – 42 500 teńge mólsherindegi birjolǵy tólemdi proaktıvti formatta taǵaıyndaýǵa óz kelisimin rastaǵan azamattar SMS jibergennen keıin birneshe kún ishinde ótinimdi qaraý statýsyn teksere alady.

Bul týraly QR Eńbek jáne halyqty áleýmettik qorǵaý mınıstrliginiń resmı saıtynan málim boldy.

Eger sizge «Uvazhaemiy zayavitel IIN hhhhhhhhhhh, v sluchaye poteri dohoda s 5 iyulya soglasni proaktivno poluchit 42500 Esli da - otpravte 1, net -2 v techeniye 5 dn.» mátini bar sms-habarlama kelip tússe, osy habarlamaǵa jaýap bergen soń birneshe kún ótkennen keıin siz eGov.kz portalynda egov.kz/services/P6.47/ siltemesi boıynsha ótinimniń statýsyn teksere alasyz.

Eger sms-jaýap joldaý kezinde qate shyqsa, bul kelesi sebepterden bolýy múmkin:

- sizdiń teńgerimińiz 1birlikten az;

- telefon baptaýlarynda qysqa nómirlerge sms-habarlama jiberýge tyıym salynǵan;

- baptaýlarda mátindik habarlamalarǵa tyıym salynǵan jáne mms habarlamalar basymdyqqa ıe;

- sıgnalǵa baılanysty problema;

- uıaly baılanys operatorlaryndaǵy problemalar.

Esterińizge sala keteıik, 16 shildeden bastap biryńǵaı jıyntyq tólemdi tóleýshiler bolyp tabylatyn adamdar úshin sms-habarlamalardy jiberý arqyly birjolǵy tólemdi taǵaıyndaý boıynsha proaktıvti qyzmet kórsetý júzege asyrylýda.

Ótinimderdi qabyldaý 2020 jyldyń 1 qyrkúıegine deıin jalǵasady.