42 500 teńge: Ótinimder qabyldaý kezeń-kezeńimen júzege asyrylady
«Azamattarǵa yńǵaıly bolý jáne portaldardyń shamadan tys júktelýine jol bermeý maqsatynda egov.kz jáne 42500.enbek.kz-te Memlekettik áleýmettik saqtandyrý qorynan eń tómengi jalaqy – 42 500 teńge mólsherinde birjolǵy tólem taǵaıyndaýǵa ótinishterdi qabyldaý kezeń-kezeńmen júzege asyrylatyn bolady», - delingen QR Eńbek jáne halyqty áleýmettik qorǵaý mınıstrliginiń aqparatynda.
Vedomstvo málimetinshe, 16 shildeden bastap biryńǵaı jıyntyq tólemdi tóleýshiler bolyp tabylatyn adamdar úshin sms-habarlamalardy jiberý arqyly birjolǵy tólemdi taǵaıyndaý boıynsha proaktıvti qyzmet kórsetý júzege asyrylady. Osy sanattaǵy, proaktıvti qyzmetti paıdalanbaǵan azamattar úshin ótinimderdi qabyldaý proaktıvti qyzmetti kórsetý aıaqtalǵannan keıin júzege asyrylady.
Jeke kásipkerler, azamattyq-quqyqtyq sıpattaǵy sharttar boıynsha tabys alatyn adamdar jáne jeke praktıkamen aınalysatyn adamdar úshin tólemge ótinimder qabyldaý 17 shildede bastalady.
Óz qyzmetkerlerine ótinim beretin jumys berýshiler (zańdy jáne jeke tulǵalar) úshin ótinimderdi qabyldaý 19 shildeden bastalady.
Esterińizge sala keteıik, 700 myń qazaqstandyq «42 500 teńge» tólemin proaktıvti túrde taǵaıyndaý úshin SMS-habarlama alǵan bolatyn.
Kelesi arnalardy paıdalana otyryp, ótinish berýge bolady:
- egov.kz – «elektrondyq úkimet» veb-portaly;
- 42500.enbek.kz portaly;
- telegram-bot-tar;
- Aitu messendjerindegi 42500.enbek.kz qosymshasy;
- ekinshi deńgeıdegi bankterdiń mobıldi qosymshalary men ınternet-resýrstary.
Ótinimderdi qabyldaý 2020 jyldyń 1 qyrkúıegine deıin jalǵasady.