42 500 teńge áleýmettik járdemaqy klıentterdiń karta shottaryna aýdarylýy múmkin

NUR-SULTAN. QazAqparat - 42 500 teńge kólemindegi áleýmettik járdemaqyny alý úshin klıentterdiń karta shottary paıdalanylýy múmkin, dep habarlaıdy coronavirus2020.kz.

«QR Qarjy naryǵyn retteý jáne damytý agenttigi Memleket basshysynyń tapsyrmasyn oryndaý aıasynda tótenshe jaǵdaı kezinde ekinshi deńgeıli bankter men bank operatsııalaryn oryndaıtyn jeke uıymdarmen tótenshe jaǵdaı engizilýine baılanysty tabysynan aıyrylǵan azamattarǵa 42 500 teńge kóleminde áleýmettik kómek taǵaıyndaý jáne berý týraly qajetti jumys atqardy. Ol úshin ekinshi deńgeıli bankter klıentterdiń bank shottaryna áleýmettik tólemniń aýdarylýyn qamtamasyz etýi qajet» delingen habarlamada.

Áleýmettik kómek alýǵa tıis klıentterdiń bank shottary buǵattalǵan nemese basqa da shekteýler qoıylǵan jaǵdaı anyqtalsa, buǵattan shyǵarý jáne 42 500 teńge kóleminde áleýmettik kómek óndirý sharalaryn júzege asyrý qajet.

QR Qarjy naryǵyn retteý jáne damytý agenttigi tótenshe jaǵdaı jáne karantın kezinde áleýmettik kómek alý úshin karta shotyn kórsetýdi usynady.

Jedel baılanys telefony: [phone] jáne [phone]

(dúısenbi-juma 9.00-dan 17.00-ge deıin, senbi – 9.00-dan 15.00-ke deıin, jeksenbi – demalys)