40 jer qoınaýy ýchaskesi aýktsıonǵa shyǵaryldy

NUR-SULTAN. QazAqparat – Búgin QR Energetıka mınıstrliginiń resmı ınternet-resýrsynda kómirsýtekter boıynsha jer qoınaýyn paıdalaný quqyǵyn berý jónindegi aýktsıon ótkizý jáne onyń sharttary týraly habarlama ornalastyryldy, dep habarlaıdy QazAqparat vedomstvoǵa silteme jasap.

Berilgen ótinishterdiń nátıjeleri boıynsha aýktsıonǵa 40 jer qoınaýy ýchaskesi shyǵaryldy.

Aýktsıonǵa qatysýǵa ótinishterdi berý merzimi – aýktsıon ótkizý týraly habarlama jarııalanǵan kúnnen bastap eki aı.

Habarlamada «Jer qoınaýy jáne jer qoınaýyn paıdalaný týraly» QR Kodeksiniń 95-babynyń 2-tarmaǵynda kózdelgen aqparat qamtylady.

Osyǵan baılanysty, jer qoınaýy quqyǵyn alýǵa múddeli barlyq tulǵalar aýktsıon ótkizýge arnalǵan ótinishti elektrondyq aýktsıondar operatory – «Aqparattyq-esepteý ortalyǵy» AQ saıtynda bere alady.

Eske sala keteıik, Qazaqstanda jer qoınaýyn paıdalaný quqyǵyna qatysty aýktsıonǵa ótinish qabyldaý bastalǵany týraly habarlanǵan.