40 mln teńgeni ıelengen polıtsııa general-maıory Bılıalovqa qatysty tergeý aıaqtaldy

ASTANA. QazAqparat - Sybaılas jemqorlyqqa qarsy qyzmet 2021 jyly qylmystyq isti toqtatý syltaýymen aldaý arqyly 40 mln teńgeni ıelengen polıtsııa general-maıory B.S. Bılıalovqa qatysty tergeýdi aıaqtady.

Qazirgi ýaqytta is aıyptaý aktisin bekitý úshin prokýratýraǵa jiberildi, dep habarlaıdy QazAqparat QR Sybaılas jemqorlyqqa qarsy is-qımyl agenttiginiń baspasóz qyzsetine silteme jasap.

Baspasóz qyzmetiniń derekterine qaraǵanda, QR QPK 201-babyna sáıkes tergeý múddesi úshin ózge aqparat jarııa etýge jatpaıdy.

Sonymen birge, Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.