40 gradýsqa deıingi aıazdar sársenbi kúni de saqtalady – Qazgıdromet

ASTANA. QazAqparat – «Qazgıdromet» RMK 11 qańtarda aýa raıynyń nasharlaýyna baılanysty birneshe óńirde eskertý jarııalady, dep habarlaıdy QazAqparat.

Túnde Almaty oblysynyń taýly jáne taý eteginde ornalasqan eldi mekenderde qatty qar jaýady. Sondaı-aq tuman, kóktaıǵaq, jaıaý burqasyn kútiledi.

Almaty qalasynda keı ýaqytta tuman túsip, kóktaıǵaq bolady.

Túnde Atyraý oblysynda 30 gradýs qatty aıaz kútiledi.

Túnde Aqtóbe oblysynyń soltústiginde 40-41 gradýs qatty aıaz boljanady.

Túnde Aqmola oblysynyń ońtústiginde, shyǵysynda 40 gradýs qatty aıaz kútiledi.

Túnde Qaraǵandy oblysynyń basym bóliginde 35-38 gradýs qatty aıaz bolady.

Túnde jáne tańerteń Túrkistan oblysynyń taýlarynda mol qar jaýady. Oblystyń ońtústiginde, taý bókterindegi aýdandarda tuman, burqasyn bolady. Soltústik-batystan, soltústikten jel soǵady, oblystyń soltústiginde, taýly aýdandarynda kúshi 15-20 m/s quraıdy.

Túnde jáne tańerteń Shymkent qalasynda keı ýaqytta tuman kútiledi.

Túnde Mańǵystaý oblysynda 25 gradýs qatty aıaz kútiledi.

12-13 qańtardaǵy aýa raıy boljamy:

12 qańtarda túnde Qaraǵandy oblysynyń basym bóliginde 40-41 gradýs qatty aıaz kútiledi.
12 qańtarda túnde Ýlytaý oblysynyń shyǵysynda 40 gradýs qatty aıaz kútiledi.
12-13 qańtarda túnde Túrkistan oblysynyń soltústiginde, taýly aýdandarynda 30-31 gradýs qatty aıaz kútiledi.
12-13 qańtarda túnde Jetisý, Almaty oblystarynyń soltústiginde, taýly aýdandarynda 30-33 gradýs qatty aıaz kútiledi.