4 jylda 322 adamdy poıyz qaǵyp ketti

ASTANA. QazAqparat – Ótken 4 jyldyń ishinde elimizdiń aýmaǵynda 322 adamdy poıyz qaǵyp ketken. Bul týraly Májilis depýtattarynyń saýalyna QR Bas prokýrory Berik Asylovtyń jaýabynda aıtylǵan, dep habarlaıdy QazAqparat tilshisi.

Bas prokýror usynǵan statıstıkalyq məlimetterge səıkes, ótken 4 jyl ishinde 322 adamdy jəne 2,3 myń maldy poıyz qaǵyp ketti. Oqıǵa saldarynan 187 adam qaza taýyp, 135-i ərtúrli dərejede jaraqat alǵan. 249 oqys oqıǵa kezinde adamdar qaýiptiligi joǵary aımaqta bolý qaǵıdalaryn saqtamaǵan. 31 adam sýıtsıd jasasa, 30-i ishimdikke mas kúıde bolǵan. Al 13 oqıǵaǵa ózge sebepter túrtki.

«Basyp ketý jaǵdaılarynyń negizgi sebepteri - adamdardyń temirjol joldarymen belgilenbegen jerlerden ótýi jəne jalpyǵa ortaq paıdalanylatyn jerlerde, sondaı-aq temirjol joldaryna bólingen beldeýlerde mal jaıýy. 2019-2021 jyldary ishinde jəne osy jyldyń 8 aıynda temirjol kóliginde qaýipsizdik qaǵıdalaryn buzǵany úshin Ákimshilik quqyq buzýshylyq týraly kodekstiń 559-baby boıynsha jeke jəne zańdy tulǵalarǵa qatysty 854 əkimshilik is qozǵaldy», - dedi Berik Asylov.