4 jyl buryn qaıǵyly oqıǵa bolǵan Shamalǵan stantsııasyna «Sergek» kamerasy ornatyldy

QONAEV. QazAqparat - Osydan tórt jyl buryn qaıǵyly oqıǵa oryn alǵan Almaty oblysyndaǵy Shamalǵan stansasynyń temirjol ótkelinde «Sergek» apparattyq-baǵdarlamalyq júıesi ornatyldy, dep habarlaıdy QazAqparat tilshisi.

Qadaǵalaý organy málimetinshe, jol qozǵalysy erejelerin óreskel buzý derekteri jıi tirkeletin temirjol ótkelinde beınebaqylaý júıesi ornatyldy.
«Almaty oblysynyń prokýratýrasy jergilikti polıtsııa departamentimen birigip, «Jol qozǵalysynyń qaýipsizdigi» jobasyn jalǵastyryp jatyr. Bir aıda mobıldik toptarmen 28 reıd jasalyp, jol qozǵalysynyń qaýipsizdigin qamtamasyz etý maqsatynda 153 zań buzýshylyqty anyqtady. Qarasaı aýdany Shamalǵan temirjol ótkelinde «Sergek» apparattyq-baǵdarlamalyq keshender ornatyldy», – delingen habarlamada.
Sondaı-aq, «Almaty-Jandosov» jolynda Qaskeleń qalasynyń burylysynda baǵdarsham ornatyldy. Ákimshilik polıtsııamen Talǵar aýdanynyń turǵyn úı-kommýnaldyq sharýashylyq bólimine jaıaý júrginshiler ótkeli jáne basqa da shekteýshi jol belgileriniń joqtyǵy boıynsha uıǵarymdar engizilgen.
Joba aıasynda jol polıtsııasy jáne kóliktik baqylaý ınspektsııasy birlesip 29 reıd júrgizdi, nátıjesinde 360 tulǵa ákimshilik jaýapqa tartyldy, onyń ishinde 30 kólik júrgizýshisi rýlge mas kúıinde otyrǵan», - dep atap ótti prokýratýra ókilderi.
Esterińizge sala keteıik, 2019 jyldyń 15 qyrkúıeginde Shamalǵan stantsııasynda poıyz ben avtobýs soqtyǵysqan bolatyn.
Oqıǵa ornynda avtobýs júrgizýshisi mert bolyp, taǵy 3 adam Qarasaı aýdandyq aýrýhanasynyń jansaqtaý bólimine tústi.
Keıin atalǵan derek boıynsha temirjolshy jaýapqa tartyldy. Sot ony 3 jyl 6 aıǵa shartty túrde bas bostandyǵynan aıyrdy.