4 jylda asyraýǵa berilgen 302 bala keri qaıtarylǵan
«Mundaı statıstıka mindetti túrde júrgizilip otyrady. 2020 jyly bala asyrap alǵysy keletin otbasylardy daıyndaıtyn mektep qurylǵanǵa deıin asyrap alynǵan balalardyń 8-9 paıyzy keri qaıtarylatyn. Keıin arnaıy oqytýdyń arqasynda balany qaıtaryp berý jaǵdaılary kúrt kemigenin kórip otyrmyz. Deı turǵanmen áli de qaıtaryp jatqandar bar. Biraq olar bala asyrap alýǵa daıyndaıtyn oqýdan ótpegen otbasylar ekenin kórip otyrmyz. Sondaı-aq, týystarynan bala asyrap alǵandar kóbinese qartaıýyna baılanysty jáne asyrap alýshylardyń biriniń ómirden ozýyna baılanysty keri qaıtaryp jatady. Bul shamamen 1 paıyzdan sál asatyn deńgeıde ǵana», - dedi Ǵanı Beısembaev.
Mınıstrlik mamandary Joǵarǵy sottyń resmı deregine súıene otyryp, keıingi 4 jylda 302 balany asyrap alý qujatynyń kúshi joıylǵanyn aıtady.
Naqtyraq aıtsaq:
2020 jyly – 1540 bala otbasyǵa qabyldanyp, 85 – balany asyrap alýdyń kúshi joıylǵan;
2021 jyly – 1282 qabyldanyp, 70 – balany asyrap alýdyń kúshi joıylǵan;
2022 jyly – 1215 qabyldanyp, 72 – balany asyrap alýdyń kúshi joıylǵan;
2023 jyly – 1181 qabyldanyp, 75 – balany asyrap alýdyń kúshi joıylǵan
«Aıta ketý kerek, bul sandar jetim balalardy qabyldaǵan adamdarǵa ǵana emes, sonymen qatar ógeı analar men ógeı ákelerdiń otbasylyq asyrap alýyn qamtıdy. Bala asyrap alýdy toqtatý protsedýrasyna da qatysty. Barlyq statıkalyq derekter zańdy kúshine engen sot sheshimderi boıynsha esepteledi. Osy jyly bala asyrap alýdan bas tartý paıyzyn qarastyrý da durys emes, óıtkeni joıý birneshe jyldan keıin de bolýy múmkin. Bala asyrap alýdyń kúshin joıý boıynsha barlyq balada jetim nemese AQQB sanaty bolmaıdy jáne ógeı ákeler, ógeı analar asyrap alýy múmkin», - dep jazylǵan mınıstrliktiń qosymsha málimetinde.
Sondaı-aq, ol mektepterde algebra jáne geometrııa pánderin biriktirip oqytý týraly usynysqa pikir bildirdi.