4 jylda 36 saıası memlekettik qyzmetshi otstavkaǵa berdi

<p>ASTANA. KAZINFORM &ndash; 4 jylda óziniń qaramaǵyndaǵy qyzmetkeriniń sottalýy boıynsha 36 saıası memlekettik qyzmetshi otstavkaǵa berdi. Bul týraly Memlekettik qyzmet isteri agenttigi tóraǵasynyń orynbasary Salaýat Múksimov málim etti.</p>

Búgin Senatta bolǵan baspasóz máslıhatynda tilshiler óziniń qaramaǵyndaǵy qyzmetkeriniń sottalýy boıynsha otstavkaǵa ketken birinshi basshylar týraly suraq qoıdy. Bul rette, «laýazymynan ketken mınıstrler men ákimder» jaıynda suraldy. 

Óz kezeginde S.Múksimov osy quqyqtyq ınstıtýt 2019 jylǵy jeltoqsan aıynan bastap qoldanysqa engizilgenin eske saldy.

- Sol merzimnen bastap 36 saıası memlekettik qyzmetshi otstavkaǵa berdi. Onyń 16-sy qabyldandy, ıaǵnı qyzmetinen bosatyldy. Qalǵandaryna tártiptik jaza túrinde sharalar qoldanyldy. Al osyndaı otstavkadan keıin azamattardyń qaıta oralýyna merzimdik shekteýler bar. Birden memlekettik qyzmetke kire almaıdy. Bul turǵyda bir jyl ishinde qaıtadan memlekettik qyzmetke oralmaıdy, - dedi agenttik tóraǵasynyń orynbasary.

Budan buryn habarlanǵandaı, búgin Senattyń jalpy otyrysynda «Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» Zańy maquldandy.

Memlekettik qyzmetshiler jasandy ıntellektini arnaıy oqıdy.