4 jeltoqsan. Tulǵalar týǵan kún
77 jyl buryn (1946) Qaraǵandy oblystyq Aqsaqaldar alqasynyń tóraǵasy Oraldy Tursynuly TÓREǴOJIN dúnıege keldi.
1946 jyly Almaty qalasynda týǵan.
Qazaq memlekettik aýyl sharýashylyǵy ınstıtýtyn bitirgen.
Eńbek joly: 1971-1973 jyldary Aýyl sharýashylyǵy ónimderin satyp alý jáne sapasy jónindegi Ýlıanovsk aýdandyq memlekettik ınspektsııasynyń agronomy bolyp eńbek etti. 1973-1992 jyldary Qazaqstan LKJO Qaraǵandy oblystyq komıtetiniń nusqaýshysy, bólim meńgerýshisiniń orynbasary, Qazaqstan KP Qaraǵandy oblystyq komıtetiniń uıymdastyrý-partııa jumysy bólimi meńgerýshisiniń orynbasary, Qazaqstan KP Qarqaraly aýdandyq komıtetiniń ekinshi hatshysy, Nura aýdandyq Halyq depýtattary keńesiniń tóraǵasy, Oblystyq halyq depýtattary Keńesiniń Qaraǵandy oblystyq atqarý komıteti tóraǵasynyń orynbasary qyzmetterin atqardy. 1992-2002 jyldary Qaraǵandy oblysy \basshysynyń, sodan keıin ákiminiń apparat basshysy, 2004 – 2005 jyldary Qaraǵandy oblysy boıynsha Eńbek jáne halyqty áleýmettik qorǵaý mınıstrligi departamentiniń bólim bastyǵy, 2005-2010 jyldary Qaraǵandy oblysy jer qatynastary basqarmasynyń bastyǵy boldy.
2011 jyly oblystyq ardagerler keńesiniń tóraǵasy bolyp saılandy.
61 jyl buryn (1962) Jetisý oblysynyń ákimi Beıbit Óksikbaıuly ISABAEV dúnıege keldi.
Almaty oblysynda týǵan. S. Kırov atyndaǵy Qazaq memlekettik ýnıversıtetin, QR SІM Dıplomatııalyq akademııasyn bitirgen.
Eńbek joly: 1985-1987 jyldary Qazaq KSR Televızıııa jáne radıohabary memlekettik komıtetinde redaktor, 1987-1991 jyldary «Lenınshil jas» respýblıkalyq gazetinde tilshi, bólim meńgerýshisi, 1991-1994 jyldary «Órken» - «Gorızont» gazeti redaktorynyń orynbasary, redaktory, 1994 jylǵy aqpan-sáýir aılarynda Qazaq memlekettik televızııasynyń bas dırektory qyzmetterin atqardy. 1994 jylǵy mamyr-shilde aılarynda Almaty qalasy ákimshiliginde ákimniń orynbasary, 1994-1995 jyldary Almaty qalasy ákimdiginiń ishki saıasat komıtetiniń tóraǵasy, 1997-1999 jyldary QR SІM Dıplomatııalyq akademııasynyń tyńdaýshysy, 2000 jyly QR Premer-Mınıstri Keńsesinde úkimettik aqparat bóliminiń meńgerýshisi bolyp jumys istedi. 2002 jyly QR Syrtqy ister mınıstriniń keńesshisi, QR SІM erekshe tapsyrmalar jónindegi elshisi, 2002-2003 jyldary QR-nyń Ortalyq Azııa yntymaqtastyǵy» uıymynyń ulttyq úılestirýshisi, 2003-2006 jyldary QR-nyń Pákistan Islam Respýblıkasyndaǵy Tótenshe jáne Ókiletti elshisi, 2006-2008 jyldary QR-nyń Túrik Respýblıkasyndaǵy Tótenshe jáne Ókiletti elshisi, QR-nyń Albanııa Respýblıkasyndaǵy Tótenshe jáne Ókiletti elshisi mindetin qosa atqarýshy boldy. 2008 jylǵy aqpan-tamyz aılarynda QR mádenıet jáne aqparat vıtse-mınıstri, 2008-2009 jyldary QR Prezıdentiniń baspasóz hatshysy, 2009 jylǵy shildeden QR-nyń Qyrǵyz Respýblıkasyndaǵy Tótenshe jáne Ókiletti elshisi, 2015-2019 jyldary Qazaqstan Respýblıkasynyń Ázerbaıjan Respýblıkasyndaǵy Tótenshe jáne Ókiletti Elshisi qyzmetin atqardy. 2019-2022 jyldary QR Parlamentindegi Qazaqstan Respýblıkasy Prezıdenti ókildiginiń jetekshisi boldy.
Qazirgi qyzmetin 2022 jyldyń maýsym aıynan atqaryp keledi.
«Qurmet» (2007) ordenimen, «Qazaqstan Konstıtýtsııasyna 10 jyl» (2005), «Qazaqstan Parlamentine 10 jyl» medaldarymen, QR Qurmet gramotasymen (2001) marapattalǵan.
59 jyl buryn (1964) «Aqnıet» qory Qamqorshylyq keńesiniń tóraǵasy Baǵıla Múbárakqyzy BISEMBAEVA dúnıege keldi.
Tselınograd oblysy, Atbasar qalasynda týǵan. M.V.Lomonosov atyndaǵy Máskeý memlekettik ýnıversıteti, Qazaq memlekettik basqarý akademııasy támamdaǵan.
Eńbek joly: 1991-1996 jyldary Kókshetaý pedagogıkalyq ınstıtýtynyń saıasattaný jáne Ekonomıkalyq teorııa kafedrasynyń oqytýshysy, 1996-1998 jyldary «Arman» naryqtyq ekonomıka jónindegi halyqaralyq ortalyǵynyń baǵdarlamalar menedjeri, 1998-2001 jyldary Qazaqstan Respýblıkasy Parlamenti Senatynyń Ekonomıka, qarjy jáne bıýdjet komıteti Hatshylyǵynyń sektor meńgerýshisi, 2001-2004 jyldary Qazaqstan Respýblıkasy Parlamentindegi Úkimet ókildigi basshysynyń orynbasary bolyp eńbek etti. 2004-2007 jyldary Qazaqstan Respýblıkasy Eńbek jáne halyqty áleýmettik qorǵaý mınıstrligi Kóshi-qon komıteti tóraǵasynyń orynbasary, 2007-2012 jyldary Qazaqstan Respýblıkasy Parlamenti Májilisiniń Qarjy jáne bıýdjet komıtetiniń qyzmetin qamtamasyz etý bóliminiń meńgerýshisi, 2012-2014 jyldary Qazaqstan Respýblıkasy Parlamenti Májilisi apparaty basshysynyń orynbasary qyzmetterin atqardy. 2015-2022 jyldary Astana qalasy Ulttyq Kásipkerler palatasy janyndaǵy Óńirlik isker áıelder keńesiniń tóraǵasy boldy.
«Eren eńbegi úshin» medalimen jáne mereıtoılyq medaldarmen marapattalǵan.
51 jyl buryn (1972) Qazaqstan Respýblıkasy Syrtqy ister mınıstrligi Halyqaralyq aqparat komıtetiniń tóraǵasy Jan Serjanuly ǴALIEV dúnıege kelgen.
Qazaq memlekettik álem tilderi jáne halyqaralyq qatynastar ýnıversıtetin (1994); Aýdarmashylar jáne halyqaralyq qatynastar ınstıtýtyn (Strasbýrg, Frantsııa, 1996); Frantsııanyń Premer-Mınıstri janyndaǵy Memlekettik basqarý halyqaralyq ınstıtýtyn (Parıj, 1998); Adam quqyqtary jónindegi ınstıtýtty (Strasbýrg, 1998); Halyqaralyq quqyq akademııasyn (Gaaga, 1998); QR Syrtqy ister mınıstrliginiń Dıplomatııalyq akademııasyn (Astana, 2006) bitirgen.
Eńbek joly: 1995-1996 jyldary QR Prezıdenti janyndaǵy Ulttyq joǵary memlekettik basqarý mektebiniń sarapshy-tilshisi, 1996-1997 jyldary QR Prezıdenti janyndaǵy Ulttyq joǵary memlekettik basqarý mektebi dırektorynyń kómekshisi, 1999-2001 jyldary QR Syrtqy ister mınıstrliginiń Ekijaqty yntymaqtastyq departamentiniń referenti, úshinshi hatshysy, ekinshi hatshysy, 2001-2005 jyldary QR Frantsııa Respýblıkasyndaǵy Elshiliginiń úshinshi hatshysy, ekinshi hatshysy (Parıj), 2005-2006 jyldary QR Syrtqy ister mınıstrliginiń Eýropa jáne Amerıka departamenti Batys Eýropa elderi bóliminiń basshysy qyzmetterin atqardy. 2006-2007 jyldary QR Syrtqy ister mınıstrliginiń Eýropa jáne Amerıka departamenti Eýropa basqarmasynyń basshysy, 2007-2010 jyldary QR Belgııa Koroldigi men Lıýksembýrg Uly Gertsogtigindegi Elshiliginiń, Eýropalyq Odaq pen NATO-daǵy ókildiginiń Keńesshisi, Keńesshi-Ýákili (Brıýssel), 2010-2016 jyldary QR Frantsııa Respýblıkasyndaǵy jáne Monako Knıazdigindegi Elshiliginiń Keńesshi-Ýákili (Parıj), 2017 jyly QR Syrtqy ister mınıstrliginiń Ortalyq apparatynda ekonomıkalyq dıplomatııa baǵytynda Erekshe tapsyrmalar jónindegi Elshi, Syrtqy ister mınıstrligi Alqasynyń múshesi, 2017-2018 jyldary Frantsııa Respýblıkasyndaǵy Tótenshe jáne Ókiletti Elshisi qyzmetin atqardy. 2018 jyldyń 12 sáýirinen QR Portýgalııa Respýblıkasyndaǵy, Monako Knıazdiginde Tótenshe jáne Ókiletti Elshisi, ıÝNESKO janyndaǵy Qazaqstan Respýblıkasynyń Turaqty ókili qyzmetin qosa atqarýshy, 2018-2022 jyldary QR Frantsııa Respýblıkasyndaǵy Tótenshe jáne Ókiletti Elshisi, Qazaqstan Respýblıkasynyń Monako Knıazdiginde Tótenshe jáne Ókiletti Elshisi qyzmetin qosa atqarýshy boldy.
Qazirgi qyzmetin 2022 jyldyń qyrkúıek aıynan atqaryp keledi.
«Qazaqstan Respýblıkasynyń dıplomatııalyq qyzmetine 15 jyl», «Qazaqstan Respýblıkasynyń dıplomatııalyq qyzmetine 20 jyl», «Qazaqstan Respýblıkasynyń dıplomatııalyq qyzmetine 25 jyl» estelik medaldarymen; QR Syrtqy ister mınıstriniń Qurmet gramotalarymen (2007, 2013, 2016); QR Syrtqy ister mınıstriniń alǵys hatymen (2014) nagradtalǵan.
39 jyl buryn (1984) Qazaqstan Respýblıkasynyń qarjy vıtse-mınıstri Dáýren Maratuly KEŃBEIІL dúnıege keldi.
Qostanaı oblysynda týǵan. L. Gýmılev atyndaǵy Eýrazııa ulttyq ýnıversıtetin, M. Lomonosov atyndaǵy Máskeý memlekettik ýnıversıtetin támamdaǵan.
Eńbek jolyn 2006 jyly QR Qarjy mınıstrligi Qazynashylyq komıtetiniń aqparattyq qaýipsizdik bóliminiń jetekshi mamany mindetin atqarýshy bolyp bastaǵan. 2006-2013 jyldary QR Qarjy mınıstrliginiń Qazynashylyq komıtetinde túrli laýazymdarda jumys istegen. 2013 jyly QR Qarjy mınıstrligi kontsessııalyq jobalar basqarmasynyń basshysy laýazymyna taǵaıyndaldy. 2017-2019 jyldary QR Qarjy mınıstrliginiń Memlekettik qaryz alý departamenti dırektorynyń orynbasary, 2019-2021 jyldary QR Qarjy mınıstrligi Memlekettik qaryz alý departamentiniń dırektory boldy.
Qazirgi qyzmetin 2021 jyldyń naýryz aıynan atqaryp keledi.