4 óńirde mektepter jańa oqý jylyna keshiktirip berilýi múmkin
«Jańa oqý jylynyń bastalýyna eki apta qaldy. Oǵan deıin 81 jańa mektep ashý josparlanýda. 213 mektep tolyq jóndeýden ótedi. Sonymen qatar, Batys Qazaqstan, Túrkistan, Almaty oblystarynda jáne Almaty qalasyndaǵy birqatar bilim oshaqtarynda jóndeý jumystarynyń aıaqtalmaı qalý qaýpi bar. Sondyqtan, atalǵan óńirler shuǵyl sharalar qabyldap, jańa oqý jylyna daıyndyqty tolyq kólemde qamtamasyz etýi kerek. Bul josparlanǵan mektep qurylysyna da qatysty», - dedi Úkimet basshysy.
Sondaı-aq ol óńir ákimdikterine bilim berý uıymdarynyń beıne baqylaý júıelerin ishki ister organdarynyń Jedel basqarý ortalyqtaryna shyǵarýdy jedeldetýdi tapsyrdy.
«Sonymen qatar, mektepterdi kúzetýge lıtsenzııalanǵan uıymdardy tartý jónindegi talaptardyń saqtalýyn qamtamasyz etsin. Oqý-aǵartý mınıstrligi Іshki ister mınıstrligimen birlesip, bilim berý baǵdarlamasyna Jol qozǵalysy erejelerin úıretýdi mindetti túrde engizý jáne jumys istep júrgen ınspektorlardy osy jumysqa tartý máselesin qarasyn», -dedi Álıhan Smaıylov