4 oblysta sý tasqynyna qarsy is-sharalardy oryndamaǵan laýazymdy tulǵalar jaýapqa tartyldy
«2022 jylǵy sý tasqyny kezeńiniń saldaryn tergeý qorytyndysy boıynsha josparlanǵan sý tasqynyna qarsy jumystardyń, onyń ishinde 2021-2023 jyldarǵa arnalǵan sý tasqynyna qarsy is-sharalardyń jol kartasy is-sharalarynyń oryndalmaýyna jol bergeni úshin Batys Qazaqstan, Pavlodar, Almaty jáne Túrkistan oblystarynda birqatar laýazymdy tulǵa tártiptik jaýapkershilikke tartyldy», - deıdi Úkimet basshysynyń birinshi orynbasary jaýabynda.
Birinshi vıtse-premerdiń atap ótýinshe, osy jyldyń sáýirinde Sybaılas jemqorlyqqa qarsy is-qımyl agenttigi Almaty qalasy ákimdiginiń, onyń qurylymdyq bólimsheleri men vedomstvolyq baǵynysty uıymdarynyń jer ýchaskelerine quqyq berý jáne qurylys máseleleri boıynsha qyzmetindegi sybaılas jemqorlyq táýekelderge syrtqy taldaý júrgizý jóninde komıssııa qurdy. Tekserý barysynda komıssııa tabıǵı tótenshe jaǵdaılar (syrǵyma, sý tasqyny, selder jáne t.b.) yqtımal qaýip tóndiretin ýchaskelerde turǵyn úıler salýǵa jer ýchaskelerin jáne ruqsat qujattaryn bólý máselelerin qamtydy. Nátıjeleri boıynsha jergilikti jáne ortalyq memlekettik organdar úshin tıisti usynymdar ázirlenedi.
«Sonymen qatar, osy jylǵy naýryz-sáýirde Prezıdent Ákimshiligi basshysynyń tapsyrmasyn oryndaý aıasynda Prezıdent Ákimshiligi, Úkimet Apparaty jáne ortalyq memlekettik organdar qyzmetkerleri sanynan qurylǵan jumys toptary elimizdiń barlyq óńirleriniń 2023 jylǵy kóktemgi sý tasqyny kezeńine ázirligine taldaý júrgizdi. Qorytyndysy boıynsha tıisti is-sharalar qabyldanatyn bolady», - dedi Roman Sklıar.