4 oblystaǵy ózenderde sý deńgeıiniń joǵarylaýy baıqalady – vıtse-mınıstr
«Sý qoımalary men ózenderdiń tolymdylyǵyna monıtorıng jalǵasýda. Qazirgi ýaqytta Qostanaı, Batys Qazaqstan, Aqmola jáne Soltústik Qazaqstan oblystaryndaǵy ózenderde sý deńgeıiniń joǵarylaýy baıqalady. Shyǵys Qazaqstan oblysynyń taýly jerlerinde de úlken qar kólemi jatyr. Bul óńirlerge qajet bolǵan jaǵdaıda mınıstrliktiń kúshteri men quraldary qosymsha tartylatyn bolady», - dedi Baýyrjan Syzdyqov.
Onyń atap ótýinshe, táýlik boıy qalyptasqan jaǵdaı týraly azamattardy habardar etý jáne aqparattandyrý júzege asyrylady. Zardap shekkenderge psıhologııalyq kómek kórsetý úshin senim telefondary jumys isteıdi.
«Óz kezeginde, ákimdikter algorıtm boıynsha is-sharalardy oryndaý qajet. Sý tasqyny men onyń saldaryn joıý mınıstrdiń úılestirýimen jalǵasýda. Kúshter men quraldar avarııalyq-qutqarý jumystaryn úzdiksiz júrgizýde, jedel den qoıýǵa jáne mindetterdi oryndaýǵa daıyn», - dedi vıtse-mınıstr.