4 oblysta ınvestıtsııa tartý kórsetkishi tómendep ketken
10:28, 15 Qazan 2024
<p>ASTANA. KAZINFORM – Premer-mınıstrdiń orynbasary – Ulttyq ekonomıka mınıstri Nurlan Baıbazarov Úkimet otyrysynda ınvestıtsııa tartýda sylbyrlyq tanytyp jatqan óńirlerdi atady.</p>
«Investıtsııa kólemi baılanysta 81,7%-ke, onyń ishinde bilim berýde – 79,3%-ke, kólikte – 31,1%-ke, óńdeý ónerkásibinde – 6,3%-ke, densaýlyq saqtaýda – 4,8%-ke ósti. Úzdik kórsetkishter Almaty, Jetisý, Pavlodar, Qyzylorda jáne Túrkistan oblystarynda baıqalady. Bul rette Atyraý, Aqmola, Aqtóbe jáne Mańǵystaý oblystarynda ınvestıtsııalardyń aıtarlyqtaı tómendeýi baıqalady», - dedi mınıstr.
Vıtse-premer jyldyń 8 aıynda syrtqy saýda aınalymy 91,7 mlrd dollar bolǵanyn atap ótti.
«Eksport 53,5 mlrd dollarǵa, onyń ishinde óńdelgen taýarlardyń eksporty 17,8 mlrd dollarǵa jetti. Taýarlar ımporty 38,1 mlrd dollar boldy. Oń saýda balansy 34,8%-ke ósip, 15,4 mlrd dollarǵa deıin ulǵaıdy», - dedi Nurlan Baıbazarov.