4 naýryz kúni elordada ótetin mańyzdy sharalar ańdatpasy

ASTANA. QazAqparat – «QazAqparat» halyqaralyq aqparat agenttigi 4 naýryz kúni Astanada ótetin mádenı jáne qoǵamdyq mańyzdy sharalar ańdatpasyn usynady.

9.00-de Ulttyq ǵylymı onkologııa ortalyǵynyń klınıkalyq-dıagnostıkalyq ortalyǵynda jatyr moıny obyry men isikke deıingi aýrýlardy erte anyqtaý boıynsha Ashyq esik kúni ótedi.

10.30-da QR Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııasy men «Bolashaq» Qaýymdastyǵy, M.S. Nárikbaev atyndaǵy KAZGıÝÝ Ýnıversıteti jáne «Techno Women» QB birlesip «Bolashaq women forum III» atty áıelder forýmyn ótkizedi.

12.00-de Astana qalasynyń Dostyq úıinde «Ábılar, alga-2023!» óńiraralyq baıqaýy ótedi. Bul shara «Tań» tatar-bashqurt mádenı ortalyǵy» QB uıymdastyrýymen, Astana qalasy Qazaqstan halqy Assambleıasynyń, Astana qalasyndaǵy «Kaıým Nasyrı ınstıtýty» ǵylymı-bilim berý ortalyǵynyń jáne Qazaqstandaǵy Tatarstan Respýblıkasynyń ókiletti ókildiginiń qoldaýymen ótedi.

18.00-de M. Gorkıı atyndaǵy memlekettik akademııalyq orys drama teatrynda «Chelovek-podýshka» qoıylymy kórsetiledi.

19.00-de Astana qalasy fılarmonııasynyń kontsert zalynda «Anaǵa sálem» kontserti ótedi.

19.00-de Astana Balet teatrynda «Mahabbat týraly ańyz» baleti kórsetiledi.