4 myńǵa jýyq qazaqstandyq aǵza almastyrý kezeginde tur
«Búgingi tańda aǵza transplantatsııasyn kútý paraǵynda 3961 retsıpıent tur. Onyń 104-i bala. Kezekte turǵandardyń basym bóligine búırek aýystyrý qajet – 3613. 184 adam baýyr, 145 adam júrek, 14 adam ókpe, 5 adam ókpe-júrek keshenin aýystyrý kezeginde tur», - delingen mınıstrliktiń Kazinform saýalynda joldaǵan jaýabynda.
«Qazaqstan halqyna» qorynyń tóraǵasy Bolat Jámishev Qazaqstanda ólimnen keıingi azǵa donorlyǵy ózekti másele ekenin aıtyp júr. Mınıstrlik aǵza donorlyǵynyń mundaı túri nege báseńdep ketkenin birneshe sebeppen baılanystyrady.
«2020 jyly kodekske marqum kózi tirisinde aǵzasy men tinderin transplantatsııaǵa paıdalanýǵa kelisetinin nemese qarsy ekenin bildirmegen bolsa, jubaıy (zaıyby), ol bolmaǵanda jaqyn týystarynyń biri kelisimin bere alatyny týraly ózgeris usynylyp, BAQ-ta túrli pikir týyndaǵan. Sondaı-aq, transplantolog dárigerlerdiń qatysýymen ótken negizsiz sot isteri aǵza donorlyǵyn jylyna 5-7 otaǵa deıin kúrt tómendetip jiberdi», - delingen jaýapta.