4 maýsym. Tulǵalar týǵan kún

ASTANA. QazAqparat - Búgin, 4 maýsymda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

6 4 jyl buryn (1959) ánshi, Qazaqstannyń halyq ártisi, Qazaqstan Memlekettik syılyǵynyń ıegeri, Barselonada ótken F.Vınıasa atyndaǵy Halyqaralyq vokalshylar konkýrsynyń arnaýly Djıno Bekkı syılyǵynyń ıegeri Nurjamal Pernebekqyzy ÚSENBAEVA dúnıege keldi.

Ońtústik Qazaqstan oblysynyń (qazirgi Túrkistan) Arys qalasynda týǵan. Almaty konservatorııasyn (qazirgi Qazaq ulttyq konservatorııasy) bitirgen. Sol jyldan bastap Qazaq akademııalyq opera jáne balet teatrynyń solo-ánshisi. Osy teatr sahnasynda oryndaǵan asa eleýli partııalary qatarynda Qyz Jibek, Dana (E.Brýsılovskıı «Qyz Jibek», «Er Tarǵyn»), Ajar (A.Jubanov, L.Hamıdı «Abaı»), Sara (M.Tólebaev «Birjan-Sara»), Zylıha (B.Jumanııazov «Mahambet»), Rozalıda (I.Shtraýs «Jarqanat»), Vıoletta (Dj.Verdı «Travıata»), Antonııa (J.Offenbah «Gofman ertegileri»), t.b. bar. Qazaq ánderin de («Shıli ózen», «Alqońyr», t.b.) úlken sheberlikpen oryndaıdy. Úsenbaevanyń repertýarynan ulttyq jáne shet el kompozıtorlarynyń ár alýan mýzykalyq shyǵarmalary oryn alǵan. Ánshi gastroldik saparmen Reseı qalalarynda, sondaı-aq, 1997 jyly Tatar akademııalyq opera jáne balet teatrynyń quramynda Portýgalııada, 1998 jyly Sankt-Peterbýrg akademııalyq opera jáne balet teatry kuramynda Japonııada jáne basqa elderde óner kórsetken. 2007 jyly «Karnegı-Holl» (Nıý-Iork) zalynda jeke kontsert bergen. «Qurmet» ordenimen marapattalǵan.

5 9 jyl buryn (1964) Aqtaý halyqaralyq teńiz saýda portynyń basqarma tóraǵasy (prezıdent) Abaı Noǵaıuly TÚRІKPENBAEV dúnıege kelgen.

Ońtústik Qazaqstan oblysynda (qazirgi Túrkistan) týǵan. 1986 jyly S.M. Kırov atyndaǵy Qazan hımııa-tehnologııa ınstıtýtyn ınjener-mehanık mamandyǵy boıynsha, 2000 jyly Eýrazııa naryq ınstıtýtyn ekonomıst-menedjer mamandyǵy boıynsha bitirgen.

Eńbek joly: «Navoıazot» ÓB (Navoı qalasy, Ózbekstan) aǵa sheberi, 1, 2 ammıakti óndirýdiń hımııalyq jabdyǵyn jóndeý jónindegi sheber (1986-1989); «Kaspıı mańy taý-metallýrgııalyq kombınaty» ÓB azot-tyńaıtqysh zaýytynda (Aqtaý) bólim mehanıgi, jabdyqtardy jóndeý jónindegi sheber, Ammıak-1 tsehynyń 6 razrıadty slesari (1989-1993); «Kaskor» AQ (Aqtaý) marketıng jáne sheteldik kompanııalarmen yntymaqtastyqty uıymdastyrý bóliminiń 2-sanatty ınjeneri, menedjeri, bastyǵy (1993-1995); «MańǵystaýMunaıGaz» AQ munaı ónimderin ótkizý basqarmasy bastyǵynyń orynbasary (1995-2000); «Pavlodar munaı-hımııa zaýyty» AQ kommertsııalyq dırektory (2000-2002); «ÓzenMunaıGaz» AQ baqylaý-analıtıkalyq departamentiniń dırektory (2002-2003); «Qazteńizkólikfloty» UTKK» JShS Qurylysy salynyp jatqan obektiler dırektsııasy dırektorynyń orynbasary, dırektordyń mindetin atqarýshy (2003-2004); «TenızServıs» JShS bas dırektordyń orynbasary (2004-2008); «Batýmı Indastrıal Holdıng Ltd» (Batýmı, Grýzııa) dırektor (2008-2012); «Qazmunaıgaz» UK» AQ taldaý jáne jobalaý departamentiniń dırektory (2013); «Aqtaý halyqaralyq teńiz saýda porty» UK» AQ port ǵımarattary jáne kúrdeli qurylys bóliminiń bastyǵy (2014-2015); «Aqtaý halyqaralyq teńiz saýda porty» UK» AQ tehnıkalyq máseleler jónindegi vıtse-prezıdenti (2015-2016); «Quryq porty» JShS bas dırektory (2016-2017). Qazirgi laýazymyn 2017 jylǵy qańtardan beri atqaryp keledi.

52 jyl buryn (1971) Mańǵystaý oblysy ákiminiń birinshi orynbasary Jumabaı Ǵabbasuly QARAǴAEVdúnıege keldi.

1995 jyly I. Gýbkın atyndaǵy memlekettik munaı jáne gaz akademııasyn «Munaı-gaz ken oryndaryn ıgerý jáne paıdalaný» mamandyǵy boıynsha támamdaǵan.

Memlekettik qyzmette jáne jeke sektorda 22 jyldyq eńbek ótili bar. Ár jyldary Atyraý jáne Mańǵystaý oblystaryndaǵy birqatar jeke kompanııalardy, Atyraý ákimdiginiń TKSh, Jolaýshylar kóligi jáne avtomobıl joldary bólimderin basqardy. Atyraý qalasy ákiminiń orynbasary qyzmetin atqardy. Atyraý oblysy memlekettik satyp alý basqarmasynyń basshysy, Atyraý oblysy energetıka jáne TKSh basqarmasynyń basshysy qyzmetterin atqardy. Atyraý oblysy Maqat aýdanynyń ákimi jáne Atyraý oblysy ákiminiń orynbasary qyzmetterin atqardy. 2019-2022 jyldary QR Energetıka vıtse-mınıstri boldy.

Qazirgi qyzmetinde – 2023 jyldyń qańtarynan.